ينفوگرافيكانى جاساعان امانگەلدى قياس, «ەQ»
جالپى العاندا, تمد-دان كەلگەن بايقاۋشىلار 865 رەفەرەندۋم ۋچاسكەسىندە بولىپ, ساياسي ناۋقاننىڭ ءادىل ءوتۋىن باقىلادى. بارلىق ۋچاسكەدە بايقاۋشىلاردىڭ الاڭسىز جۇمىس ىستەۋى ءۇشىن قاجەتتى جاعداي جاسالعانىن ايتا كەتكەن ءلازىم.
قازاقستان پرەزيدەنتى قاسىم-جومارت توقاەۆ كونستيتۋتسيالىق رەفورمانى پارلامەنتتىڭ قولداۋىمەن قابىلداي سالماي, مەملەكەتتىك ماڭىزدى ماسەلەنى ەل تۇرعىندارىن قاتىستىرا وتىرىپ شەشكەندى ءجون دەپ تاپتى. بۇل وتە دۇرىس ۇيعارىم ەكەنىنە ەشكىمنىڭ تالاسى جوق. ەلدەگى قانداي ماسەلە حالىقتىڭ قاتىسۋىمەن شەشىمىن تاپسا, ودان ەشكىم ۇتىلمايتىنى داۋسىز. ال حالىق ساياسي رەفورمانى قولداپ داۋىس بەردى. مۇنىڭ ءوزى پرەزيدەنت توقاەۆتىڭ دۇرىس ساياسات جۇرگىزىپ وتىرعانىن ايقىنداي تۇسەدى.
قورىتا ايتاتىن بولساق, ءبىزدىڭ بايقاۋشىلار قاتىسقان ۋچاسكەلەردە ەشقانداي زاڭ بۇزۋشىلىق تىركەلگەن جوق. حالىق كۇنى بويى كەلىپ, ءوز داۋىسىن بەرىپ جاتتى. ۋچاسكەلەردەگى كوميسسيا مۇشەلەرى دە بارلىق زاڭ تالابىنا ساي جۇمىس ىستەدى. قانداي دا ءبىر رەفەرەندۋم ۋچاسكەسىندە تۇسىنىسپەۋشىلىكتەر تۋىنداماعانى ءبىزدى دە قۋانتتى.
لەونيد انفيموۆ,
تمد بايقاۋشىلار ميسسياسىنىڭ توراعاسى
