مەن نۇر-سۇلتان قالاسىنداعى №113 سايلاۋ ۋچاسكەسىنە بارىپ ازاماتتىق تاڭداۋىمدى جاسادىم. ءبىر بايقاعانىم, ەلىمىزدىڭ بولاشاعى اق شاشتى اقساقالدان باستاپ, سانالى جاستارىمىزدى الاڭداتادى ەكەن. ءوز ۋچاسكەسىنە اعىلىپ كەلىپ جاتقان ەركىن ويلى جاستاردى كورىپ قۋاندىم.
كونستيتۋتسيامىزعا ەنگىزىلەتىن وزگەرىستەر ىشىندە جىلدار بويى قوردالانعان جەر ماسەلەسىنە قاتىستى تۇزەتۋلەر بار. بۇرىن «جەر جانە ونىڭ قويناۋى, سۋ, وسىمدىكتەر مەن جانۋارلار دۇنيەسى, باسقا دا تابيعي رەسۋرستار مەملەكەت مەنشىگى» دەلىنگەن بولسا, ەندى, مەنشىك قۇقىعى حالىققا وتەدى, مۇنان كەيىن بارلىق زاڭ جاڭا جاعدايلارعا سايكەس تۇزەتىلەدى. ياعني زاڭداعى تۇزەتۋلەر قازاقستاندىقتاردىڭ جاڭا قۇقىقتىق مەملەكەت قۇرۋداعى العىشارتتاردىڭ ءبىرى دەپ بىلەمىن.
رەفەرەندۋم حالىقتىڭ لەگيتيمدى ەركى ەكەنىن اڭعارۋعا بولادى. اتا زاڭىمىزداعى ءاربىر باپ ءبىر-بىرىمەن بايلانىسىپ تۇر. قازاقستان حالقىنىڭ دۇرىس تاڭداۋى ارقىلى ءبىز قۇقىقتىق مەملەكەتتىڭ ليبەراليزاتسيالانۋىنا قول جەتكىزەتىن بولدىق.
سامات اقىشەۆ,
ءماجىلىس دەپۋتاتى,
Amanat پارتياسى فراكتسياسىنىڭ مۇشەسى
