زاڭ شىعارۋ ۇدەرىسىنەن تىس قالمايدى

باق وكىلدەرىمەن كەزدەسۋ بارىسىندا ول كونستيتۋتسيالىق رەفورمالاردى تالقىلاۋ ىسىنە اتسالىسىپ، وزگەرىستەردى قولداپ، ەلىمىز ءۇشىن دەموكراتيالىق دامۋ جولىن تاڭداعان پارتيالاستارىنا العىسىن ءبىلدىردى.

ء«بىز ءۇشىن دامۋدىڭ جالعىز عانا جولى بار. ول – دەمو­ك­را­تيالىق جول. تەك دەمو­كرا­تيالىق جۇيەدە عانا قوعامنىڭ ءاربىر مۇشەسى مەملەكەتتىك ساياساتتى قالىپتاستىرۋدا تەڭ قۇقىققا يە بولا الادى. كەشەگى رەفەرەندۋم ارقىلى بارشا قازاقستان حالقى وسى جولدى تاڭدادى دەپ بىلەمىن. كونستيتۋتسياعا ەنگىزىلگەن وزگەرىستەردى ەڭ الدىمەن ادام قۇقىن قورعاۋ تۇر­عىسىندا ىلگەرى قادام دەپ قابىل­دايمىز. اتالعان وزگەرىستەر ەلىمىزدەگى ءاربىر ازاماتتىڭ مۇد­دەسىنە قىزمەت ەتىپ، ادىلەتتى قازاقستاندى قالىپتاستىرۋدىڭ نەگىزى بولماق.

ەڭ باستىسى، مەملەكەت باس­قارۋ جۇيەسىندە دەموكراتيا­لىق پرينتسيپتەرگە باسىمدىق بە­رىل­مەك. جوعارى زاڭ شىعارۋ­شى جانە جەر­گىلىكتى وكىلەتتى ورگانداردىڭ، ياعني ءماجىلىس پەن ءماسليحاتتاردىڭ قۇزىرەتى كۇشەي­تىلەدى. سول ارقىلى قاراپا­يىم تۇرعىنداردىڭ مەملەكەت باسقارۋ تەتىكتەرىنە ىقپالى ارتادى.

رەفەرەندۋمنىڭ ناتيجەسىندە ەلىمىزدىڭ نەگىزگى زاڭى رەفورمالاندى. الدىمىزدا قوعامدى ىرگە­لى وزگەرىستەر كۇتىپ تۇر. بۇل وڭاي جول ەمەس. اتا زاڭى­مىزعا ەنگىزىلگەن سول وزگەرىس­تەر­دىڭ يگىلىگىن كورۋ ءۇشىن ەلى­مىز­­دىڭ ءاربىر ازاماتى سانالى قادام جاساپ، ساليقالى قو­عام قا­لىپتاستىرۋعا اتسالىسۋى كەرەك»، دەگەن ول «اۋىل» پات­­ريوتتىق پارتياسىنىڭ 5 ماۋ­­­سىمدا وتكەن جالپىۇلتتىق رەفە­­رەن­دۋمنىڭ ناتيجەسىن تولىق قۇپتايتىنىن ايتتى.

پارتيانىڭ 700-دەن اس­تام مۇشەسى، ايماقتارداعى بەلسەن­دىلەرى رەفەرەندۋم بارىسىن باقىلاۋ ىسىنە اتسالىسىپ، داۋىس بەرۋ ۋچاسكەلەرىندە پار­تيانىڭ اتىنان وكىلدىك ەتكەن. ءا.بەكتاەۆ مالىمدەمەسىندە «اۋىل» پارتياسىنىڭ وكىل­دەرى بولعان ۋچاسكەلەردە ەشقان­داي زاڭ بۇزۋشىلىقتىڭ تىر­كەل­مەگەنىن حابارلادى. «سون­دىقتان «اۋىل» پارتياسى جالپىۇلتتىق رەفەرەندۋمنىڭ ۇيىمداستىرىلۋى مەن وتكىزى­لۋ بارىسىنىڭ قازاقستان زاڭ­دارىنا تولىق ساي بولعاندىعىن مالىمدەيدى»، دەدى ءسوز سوڭىندا پارتيا توراعاسى.

سونداي-اق ءالي بەكتاەۆ «اۋىل» پارتياسىنىڭ بەلسەن­دىلەرى ءماجىلىس دەڭگەيىندە بولاتىن تالقىلاۋلاردان تىس قالمايتىنىن، زاڭ شىعارۋ پرو­تسەسىندە ءوز ويلارى مەن ۇتىمدى ۇسىنىستارىن ۇدايى ايتىپ وتىراتىنىن جەتكىزدى.