ەندى شتات بيلىگى سالىق تولەۋشىلەردىڭ اقشاسىنا فەرمەرلەردىڭ «سۋ قۇقىقتارىن» ساتىپ الۋعا بەل بۋىپ وتىر. بۇعان ولار 1,5 ميلليارد اقش دوللارىن جۇمساماق. ەگەر شەنەۋنىكتەر بۇل قۇقىققا يە بولسا, اعىن سۋدى ۇنەمدەپ قانا قويماي, سول وزەن مەن اعىستارداعى وسىمدىك پەن بالىق تۇرلەرىن دە جويىلىپ كەتۋ قاۋپىنەن ساقتايدى.
ايتا كەتەيىك, كاليفورنيا سوڭعى جيىرما جىلدا قۇرعاقشىلىققا ۇشىرادى. سوندىقتان بۇل جوبا شتاتتىڭ كۇردەلى سۋ جۇيەسىن جانە ونى ەرەكشە قۇرعاق كەزەڭدەردە تۇراقتى قامتاماسىز ەتۋگە مۇمكىندىك بەرەدى.
دەرەكتەرگە سۇيەنسەك, قازىر شتاتتىڭ 98%-عا جۋىعى قاتتى قۇرعاقشىلىق جاعدايىندا. ويتكەنى كاليفورنيادا جاز ايلارىنا جاۋىن-شاشىن وتە سيرەك بولادى. مۇنداي كەزەڭدەردە كوپتەگەن اۋدانداردا جەرگىلىكتى بيلىك تۇرعىنداردىڭ سۋدى پايدالانۋىنا شەكتەۋ قويادى.
زاڭ بويىنشا كاليفورنياداعى سۋ كوزدەرى ۇكىمەتتىڭ مەنشىگى. بىراق فەرمەرلەردىڭ اۋىل شارۋاشىلىعىنا سۋ الۋعا مۇمكىندىك بەرەتىن «سۋ قۇقىعى» بار. فەرمەرلەر بۇل قۇقىقتى كاليفورنيانىڭ ورتالىق اڭعارىن كوگالداندىرۋ جوباسى اياسىندا پايدالانادى.
گۇلدانا ەلۋباي
