شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, سەمەيدەگى دوستوەۆسكي كوشەسىندە ورنالاسقان ءدامحانانىڭ اس بولمەسىندە ءورت شىققان. قىزىل جالىن توبە جابىنىن, تەرەزە جانە ەسىك بلوكتارىن, تۇرمىستىق تەحنيكا مەن جەكە زاتتاردى شارپىدى.
ءورتتى ءبىرىنشى بولىپ جاقىن جەردە تۇراتىن داۋرەن جانباەۆ بايقاعان. بىردەن ءورت سوندىرۋشىلەرگە حابار بەرگەن ول سول جەرگە بارىپ, ءدامحانانىڭ ەكى قىزمەتكەرىن سىرتقا الىپ شىعىپتى.
«وسى سىن ساعاتتا داۋرەن ءوز ءومىرىن قاتەرگە تىكتى. باتىلدىعىنىڭ ارقاسىندا ەكى ادامدى قۇتقارىپ قالدى. كەيىن سول جەرگە كەلگەن ءورت سوندىرۋشىلەر ءدامحانا ىشىنەن ءتورت گاز باللونىن الىپ شىقتى», دەلىنگەن اقپاراتتا.
بەيبىت كۇننىڭ باتىرىنا سەمەي قالالىق تجب باسشىلىعى اتىنان العىس حات بەرىلدى.
ايتا كەتەيىك, قالا مەكتەپتەرىنىڭ بىرىندە ديرەكتوردىڭ ورىنباسارى بولىپ جۇمىس ىستەيتىن ەر ادام 5 بالا تاربيەلەپ وتىر.
