«تۇركى اكادەمياسىنىڭ بايقاۋشىلارى 9 سايلاۋ ۋچاسكەسىندە بولدى. ساعات 7-دەن باستاپ سايلاۋ ۋچاسكەلەرىن ارالاۋعا كىرىستىك. ءارى قاراي دا جۇمىستى جالعاستىرا بەرەمىز. حالىقتىڭ رەفەرەندۋمعا دەگەن قىزىعۋشىلىعى ايتارلىقتاي جوعارى. وعان كۋا بولدىق. سايلاۋ ۋچاسكەلەرىنەن ەكزيت-پول توپتارىن دا, باقىلاۋ مۇشەلەرىن دە بايقادىق. ورتالىق سايلاۋ كوميسسياسى جانە قازاقستاننىڭ باسقا دا قۇزىرلى ورگاندارى بارلىق تالاپتىڭ مۇلتىكسىز ساقتالۋىن قامتاماسىز ەتىپ جاتىر. سونىمەن قاتار حالىقارالىق تۇرىك اكادەمياسى گۋمانيتارلىق عىلىمي ىنتىماقتاستىق بويىنشا جۇمىس ىستەيدى. تۇركى الەمىنىڭ عىلىمي قاۋىمداستىعى قازاقستانداعى رەفەرەندۋمدى باقىلاپ وتىر.
ءدال قازىرگى گەوساياسي تۇراقسىزدىق جاعدايىندا تۇركى مەملەكەتتەرىنىڭ بىرلىگى وتە مىقتى بولۋى كەرەك. ءوزىمىزدىڭ بايقاۋ ميسسيامىزدى كۇنى بويى جالعاستىرامىز. تۇرىك اكادەمياسىنان 3 باقىلاۋشى بار. ءبىز بولعان ۋچاسكەلەردە بەلسەندىلىك 10-30% ارالىعىندا.
قازاقستان – ءبىزدىڭ وتانىمىز. ازەربايجان ءۇشىن قازاقستاننىڭ ورىنى وتە ماڭىزدى. بارلىق سايلاۋ ۋچاسكەسىندە مەرەكەلىك كوڭىل كۇي سەزىلەدى. كوپشىلىگىنەن قوناقجايلىلىق بايقالادى. قازاقستان حالقىنا ريزاشىلىعىمىزدى بىلدىرەمىز», دەدى حالىقارالىق تۇركى اكادەمياسىنىڭ ۆيتسە-پرەزيدەنتى فيزۋلي مادجيدلي.
ۇيىمنىڭ اتىنان كەلگەن بايقاۋشىلار سايلاۋ ۋچاسكەلەرىنەن ءتارتىپ بۇزۋشىلىقتاردى بايقاماعانىن ايتتى. بۇعان قوسا تۇركى الەمى قازاقستاندا بولىپ جاتقان جاڭعىرتۋ پروتسەسىنە ۇلكەن قىزىعۋشىلىقپەن قارايتىندارىن جەتكىزدى.
