تۇركىستان وبلىسىنىڭ سارىاعاش اۋداندىق جاستار رەسۋرستىق ورتالىعىنىڭ ۇيىمداستىرۋىمەن مەملەكەتتىك رامىزدەردى ۇلىقتاۋ ماقساتىندا اۋداندا «ۇلتتىق رامىزدەر – ۇلتتىق ماقتانىشىمىز» اتتى تاقىرىپتا ونلاين چەللەندج باستالدى. سارىاعاش جاستارى بۇل چەللەندج ارقىلى ەل تۇرعىندارىنىڭ وتانىمىزعا دەگەن ماحابباتىن كورسەتىپ, رامىزدەر مارتەبەسىن تاعى ءبىر ارتتىرۋىن قالايدى.
چەللەندجگە قاتىسۋشىلار مەملەكەتتىك رامىزدەردى حالىق اراسىندا ناسيحاتتاۋ اياسىنداعى باعىتتاردى (فوتو, ۆيدەو) #مەملەكەتتىكرامىزدەرگە30جىل حەشتەگىن پايدالانىپ, الەۋمەتتىك جەلىگە جۇكتەۋى قاجەت.
ال سايرام اۋدانىندا مەملەكەتتىك رامىزدەرىمىزدىڭ قابىلدانۋىنا 30 جىل تولۋىنا وراي ورتالىق كىتاپحانانىڭ «قايىرىمدى قالا» زالىندا «ەل رامىزدەرى – ەل رۋحى» تاقىرىبىندا ينتەللەكتۋالدىق ويىن وتكىزىلدى.
ينتەللەكتۋالدىق ويىنعا «وقۋشىلار سارايىنىڭ» ونەرلى ۇل-قىزدارى مەن №29 ك.تىلەنشين اتىنداعى جالپى ورتا مەكتەپتىڭ دارىندى وقۋشىلارى قاتىستى. ءىس-شارانىڭ باستى كوزدەگەنى – وسكەلەڭ ۇرپاقتىڭ بويىنداعى پاتريوتتىق سەزىمىن, وتانعا دەگەن ماحابباتىن وياتۋ. ويىن كەزىندە وقۋشىلاردى ءبىر-بىرىمەن جارىستىرا وتىرىپ, مەملەكەتتىك رامىزدەرگە قاتىستى كوپتەگەن تىڭ اقپارات بەرىلدى.
بەلسەندى بولعان وقۋشىلار مەن ونەگەلى ءىس اتقارعان ۇستازداردى كىتاپحانا ديرەكتورىنىڭ ورىنباسارى اسىلزات وسپانقىزى ارنايى العىس حاتتارمەن ماراپاتتادى.
سونداي-اق ساۋران اۋدانى اكىمدىگىنىڭ ىشكى ساياسات ءبولىمىنىڭ «جاستار رەسۋرستىق ورتالىعى» كمم-ءنىڭ ۇيىمداستىرۋىمەن مەملەكەتتىك رامىزدەرى كۇنى اياسىندا «مەنىڭ تۋىم – ماقتانىشىم» اتتى اكتسيا ۇيىمداستىرىلدى.
اكتسيانىڭ باستى ماقساتى وسكەلەڭ ۇرپاقتى وتاندىق پاتريوتيزم مەن جوعارى ازاماتتىق ساباقتاستىققا ۇندەپ, قوعامنىڭ رۋحاني بىرلىگىن نىعايتۋ بولىپ تابىلادى. مەملەكەتتىك رامىزدەر – ەلىمىزدىڭ ەگەمەندىگى مەن تاۋەلسىزدىگىن الەمگە تانىتاتىن ءارى قازاقستاننىڭ وتكەنى مەن بۇگىنىن جانە بولاشاعى اراسىنداعى ساباقتاستىقتىڭ جارقىن بەينەسى ەكەندىگىن كورسەتە ءبىلدى.
ايتا كەتسەك, 1992 جىلى 4 ماۋسىمدا تاۋەلسىز قازاق ەلىنىڭ مەملەكەتتىك رامىزدەرى العاش رەت بەكىتىلدى. ال 2007 جىلدىڭ 4 ماۋسىمىنان باستاپ, قازاقستاندىقتار بۇل كۇندى مەملەكەتتىك رامىزدەر كۇنى رەتىندە مەرەكەلەي باستادى.
مەملەكەتتىك رامىزدەر مەملەكەتتىڭ مىزعىماس نەگىزدەرىنىڭ ءبىر بولىگى بولىپ سانالادى.
