قازاقستان رەسپۋبليكاسى ۇكىمەتىنىڭ قاۋلىسى №373

2014 جىلعى 17 ءساۋىر استانا, ۇكىمەت ءۇيى قازاقستان رەسپۋبليكاسىنىڭ اۋماعىنان قارا مەتالداردىڭ قالدىقتارى مەن سىنىقتارىن اكەتۋگە ۋاقىتشا تىيىم سالۋ تۋرالى 2008 جىلعى 25 قاڭتارداعى ءۇشىنشى ەلدەرگە قاتىستى تاريفتىك ەمەس رەتتەۋدىڭ بىرىڭعاي شارالارى تۋرالى كەلىسىمنىڭ 9-بابىنا جانە 2009 جىلعى 9 ماۋسىمداعى ءۇشىنشى ەلدەرگە قاتىستى بىرىڭعاي كەدەندىك اۋماقتا تاۋارلارمەن جاسالاتىن سىرتقى ساۋدانى قوزعايتىن شارالاردى ەنگىزۋ جانە قولدانۋ ءتارتىبى تۋرالى كەلىسىمنىڭ 8-بابىنا سايكەس, قارا مەتالداردىڭ قالدىقتارى مەن سىنىقتارىنىڭ ىشكى نارىعىنداعى شەكتەن تىس جەتىسپەۋشىلىكتى بولدىرماۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى: 1. 2014 جىلعى 21 ءساۋىر – 30 ماۋسىم كەزەڭىندە لەگيرلەنگەن بولاتتىڭ قالدىقتارى مەن سىنىقتارىن, ونىڭ ىشىندە توتىعۋعا ءتوزىمدى بولاتىن (قو سەق تن كودتارى 7204 21 100 0, 7204 21 900 0) جانە باسقاسىن (قو سەق تن كودى 7204 29 000) قوسپاعاندا, قارا مەتالداردىڭ قالدىقتارى مەن سىنىقتارىن (كو سەق تن كودى 7204) اكەتۋگە تىيىم سالىنسىن. 2. قازاقستان رەسپۋبليكاسى قارجى مينيسترلىگىنىڭ كەدەندىك باقىلاۋ كوميتەتى زاڭنامادا بەلگىلەنگەن تارتىپپەن وسى قاۋلىنىڭ 1-تارماعىنىڭ ورىندالۋىن قامتاماسىز ەتسىن. 3. «قازاقستان تەمىر جولى» ۇلتتىق كومپانياسى» اكتسيونەرلىك قوعامى (كەلىسىم بويىنشا) زاڭنامادا بەلگىلەنگەن تارتىپپەن وسى قاۋلىنىڭ 1-تارماعىن ىسكە اسىرۋ جونىندە شارالار قابىلداسىن. 4. قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى بەلگىلەنگەن تارتىپپەن: 1) وسى قاۋلىنىڭ 1-تارماعىندا كورسەتىلگەن تىيىم سالۋدىڭ ەنگىزىلگەنى تۋرالى ەۋرازيالىق ەكونوميكالىق كوميسسياسىن حاباردار ەتسىن. 2) ەۋرازيالىق ەكونوميكالىق كوميسسياسىنىڭ قاراۋىنا كەدەن وداعىنا قاتىسۋشى باسقا مەملەكەتتەردىڭ وسى قاۋلىنىڭ 1-تارماعىندا كورسەتىلگەن شارالاردى قولدانۋى تۋرالى ۇسىنىستاردى ەنگىزسىن. 5. قازاقستان رەسپۋبليكاسى سىرتقى ىستەر مينيسترلىگى وسى قاۋلى قولدانىسقا ەنگىزىلگەن كۇننەن باستاپ كۇنتىزبەلىك ون ءتورت كۇننىڭ ىشىندە قازاقستان رەسپۋبليكاسىنىڭ ۇكىمەتى قابىلدايتىن سىرتقى ساۋدا قىزمەتىن رەتتەۋ جونىندەگى شارالار تۋرالى ەۋرازيالىق ەكونوميكالىق قوعامداستىقتىڭ ينتەگراتسيالىق كوميتەتىنىڭ حاتشىلىعىن حاباردار ەتسىن. 6. وسى قاۋلى 2014 جىلعى 21 ساۋىردەن باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى        ك.ءماسىموۆ.