«قاسىم-جومارت توقاەۆ وسى جىلعى 16 ناۋرىزداعى «جاڭا قازاقستان – جاڭارۋ مەن جاڭعىرۋ جولى» اتتى قازاقستان حالقىنا جولداۋىندا اۋقىمدى كونستيتۋتسيالىق رەفورمالارعا باستاما جاساعانىن بىلەسىزدەر. بۇل كونستيتۋتسيالىق رەفورمالاردىڭ ساياسي ءمانى – باسقارۋدىڭ سۋپەرپرەزيدەنتتىك ۇلگىسىنەن ىقپالدى پارلامەنتى بار پرەزيدەنتتىك باسقارۋ فورماسىنا كوشۋ. بۇل قادام ساياسي جۇيەنى ساپالى ترانسفورماتسيالاۋدى كوزدەيدى. سونداي-اق قازاقستان تاريحىنداعى جاڭا كەزەڭنىڭ باستالۋى, ەكىنشى رەسپۋبليكاعا كوشۋ تۋرالى اڭگىمە قوزعاۋعا مۇمكىندىك بەرەدى», دەدى ول. ابدالى نۇراليەۆ كونستيتۋتسياداعى ءار باپتىڭ وزگەرىسىنە جەكە-جەكە توقتالدى. اتاپ ايتقاندا, پرەزيدەنت تۋىستارىنىڭ كۆازيمەملەكەتتىك سەكتور مەن مەملەكەتتىك قىزمەتتە باسشىلىققا تاعايىندالمايتىندىعى جونىندەگى وزگەرتۋلەرگە كەڭىنەن تۇسىنىكتەمە بەردى. جەر جانە جەر قويناۋى حالىقتىڭ مەنشىگى ەكەنىن, ءولىم جازاسىنا تىيىم سالۋ, پرەزيدەنت جانە سۋديالار, سايلاۋ كوميسسياسىنىڭ وكىلدەرى ەشقانداي پارتيانىڭ مۇشەلىگىندە بولماۋعا ءتيىس ەكەنىن ايتتى. كەزدەسۋدە پرەزيدەنتتىڭ باستاماسى ەلدە تىڭ ساياسي رەفورمالاردى جۇزەگە اسىرۋدىڭ, بيلىك ينستيتۋتتارى اراسىنداعى كونستيتۋتسيالىق قۇرىلىمدى جەتىلدىرۋدىڭ ءتيىمدى ءتاسىلى ەكەنى ايتىلدى. دەپۋتات ازاماتتاردىڭ سۇراقتارىنا جاۋاپ بەردى. جيىن سوڭىندا كوپشىلىك 5 ماۋسىم كۇنى وتەتىن رەسپۋبليكالىق رەفەرەندۋمعا بەلسەندى قاتىساتىندارىن جەتكىزدى.
بۇدان كەيىن سەنات دەپۋتاتى ابدالى نۇراليەۆ اۋىلشارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتى وبلىستىق اۋماقتىق ينسپەكتسياسىنىڭ قىزمەتكەرلەرىمەن كەزدەسىپ, №88 رەفەرەندۋم ۋچاسكەسىنىڭ دايىندىعىمەن تانىستى.
جامبىل وبلىسى
