«جوعارى وقۋ ورنىنا باراتىن بالالارعا گرانتتاردىڭ سانى 88 214-كە ارتتى. 2021 جىلمەن سالىستىرعاندا 15 مىڭعا كوپ. تەحنيكالىق ماماندىقتارعا گرانتتار - 60, اۋىلدىق كۆوتا 35 پايىزعا ۇلعايدى. الەۋمەتتىك از قامتىلعان ساناتتارعا 7 مىڭنان اسا گرانت ءبولىندى», دەدى ول.
ۆيتسە-ءمينيستردىڭ ايتۋىنشا, بيىل كوللەدجدەرگە تۇسەتىن بالالارعا تەحنيكالىق جانە كاسىپتىك ءبىلىم بەرۋگە 45 مىڭ ورىنعا رەسپۋبليكالىق بيۋدجەتتەن 10 ملرد تەڭگە ءبولىندى. ءسويتىپ مەملەكەتتىك تاپسىرىس 40 پايىزعا ۇلعايدى.
«وقۋعا تۇسۋشىلەر ءۇشىن ءتۇسۋ ەمتيحاندارى الىنىپ تاستالدى. ەندى ولار اتتەستاتتىڭ ورتاشا بالى ارقىلى قابىلدانادى. تالاپكەر 4 كوللەدج بەن 4 ماماندىقتى ءوزى تاڭدايدى, 3-كە دەيىن بىرنەشە بىلىكتىلىك الۋعا مۇمكىندىك جاسالدى. كاسىپورىندارعا ماقساتتى مەملەكەتتىك تاپسىرىس بەرىلدى. ەندى كاسىپورىندار ستۋدەنتتەردى وزدەرى تاڭداپ, وقۋ باعدارلامالارىن وقۋ ورنىمەن بىرگە جازىپ, قاجەتتى مامانداردى مەرزىمىندە دايىنداي الادى. جەڭىلدىكپەن قابىلداۋ كۆوتاسىنىڭ تىزبەسى 9 ساناتقا دەيىن كەڭەيتىلدى», دەدى شولپان كارينوۆا.
