ءبىتىرۋ ەمتيحاندارى, تۇلەكتەردى ءبولۋ جانە ازاماتتاردى اسكەري وقۋ ورىندارىنا قابىلداۋ كەزەڭىندە سىبايلاس جەمقورلىقتىڭ الدىن الۋ ماسەلەلەرى بويىنشا اسكەري وقۋ ورىندارىنىڭ باسشىلارىن تىڭدادى.
قورعانىس ءمينيسترىنىڭ ورىنباسارى پروفەسسورلىق-وقىتۋشىلار قۇرامىن ىرىكتەۋ جانە ورنالاستىرۋ كەزىندە ولاردى قابىلەتىنە قاراي قابىلداۋ ەرەجەسىن قولدانۋعا نازار اۋداردى. بۇل ءبىلىم مەن عىلىم سالاسىنداعى سىبايلاس جەمقورلىققا ىقپال ەتەتىن فاكتورلاردىڭ كورىنىسىن جويۋعا كومەكتەسەدى.
كوميسسيا توراعاسى اسكەري وقۋ ورىندارىنىڭ باستىقتارىنا ازاماتتاردى قابىلداۋ كەزىندە اسكەري پوليتسيا وكىلدەرىنىڭ قاتىسۋىمەن, تالاپكەرلەردىڭ اتا-انالارىمەن كەزدەسۋلەردە قابىلداۋ كوميسسياسىنىڭ جۇمىس تاجىريبەسىن بەينەباقىلاۋدى قولدانا وتىرىپ زەردەلەۋدى ۇسىندى.
گەنەرال-لەيتەنانت سۇلتان قامالەتدينوۆ قورعانىس مينيسترلىگى كادرلار دەپارتامەنتىنىڭ باسشىسىنا: «كادرلىق قۇرامنىڭ ساپاسىن جاقسارتۋ ماقساتىندا لاۋازىمدى تۇلعالاردى ىرىكتەۋدىڭ اشىقتىعىن ارتتىرۋدى قامتاماسىز ەتەتىن اسكەري قىزمەتشىلەردى ىرىكتەۋ جانە ولاردى كاسىبي تۇرعىدا دايارلاۋ ادىستەمەلەرىن جەتىلدىرۋ جونىندە ۇسىنىستار ەنگىزىڭىزدەر», دەگەن تاپسىرما قويدى.
سونىمەن بىرگە قورعانىس ءمينيسترىنىڭ ورىنباسارى شامادان تىس بيۋروكراتيا ماسەلەلەرىن شەشۋ جانە كادرلىق پروتسەستەردى اۆتوماتتاندىرۋ قاجەت ەكەنىن ايتتى. ول كانديداتتاردىڭ اسكەري قىزمەتكە كىرۋى ءۇشىن ءتيىستى قۇجاتتاردى جيناۋ مەن ۇسىنۋدىڭ, ولاردى قاراۋدىڭ, زەردەلەۋ مەن تەكسەرۋدىڭ ناقتى مەرزىمدەرىن بەلگىلەۋدى, سونداي-اق اسكەري قىزمەت وتكەرۋ ەرەجەلەرىن قايتا قاراۋدى تاپسىردى.
2022 جىلعى 15 ساۋىردە «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭعا اسكەري قىزمەتتە جاعىمسىز ارەكەتتەر جاساعانى ءۇشىن كىر كەلتىرەتىن جانە تەرىس قىلىقتارىمەن اسكەري قىزمەتتەن بوساتۋدى كوزدەيتىن ارەكەتتەردى قاراستىراتىن تولىقتىرۋلار ەنگىزىلگەن بولاتىن.
بۇل تىزىمگە قىزمەت بابىن جەكە باسىنا پايدالانۋ, كاسىپكەرلىك قىزمەتتىڭ كەز كەلگەن تۇرىمەن, ونىڭ ىشىندە كوممەرتسيالىق دەلدالدىقپەن اينالىسۋ, قىزمەت بابىن پايدالانا وتىرىپ, جۇمىستار ورىنداۋ جانە قىزمەت كورسەتىپ, سول ءۇشىن سىياقى الۋ جاتادى.
ودان وزگە وتىرىستا قىزمەتتىك تۇرعىن ۇيلەردى ءبولۋ جانە جانار-جاعارماي ماتەريالدار قىزمەتىن ۇيىمداستىرۋ كەزىندەگى جەمقورلىق تاۋەكەلدەرى دە قارالدى.
وسى تارماقتار بويىنشا تۇرعىن ۇيگە مۇقتاج اسكەري قىزمەتشىلەر ءۇشىن قىزمەتتىك پاتەرلەردى ءبولۋ ماسەلەسىن باقىلاۋعا الۋ جانە ۆەدومستۆولىق تۇرعىن ۇيلەردە زاڭسىز تۇرىپ جاتقاندارعا تەكسەرۋ جۇرگىزۋ تاپسىرىلدى.
جانار-جاعار ماي قىزمەتىنە قاتىستى جەمقورلىق جاساپ, قۇقىق بۇزۋدىڭ الدىن الۋ ءۇشىن ولاردىڭ باسشىلارىن قىزمەتكە تاعايىنداۋ كەزىندە پوليگرافيالىق زەرتتەۋ جۇرگىزۋ ۇسىنىلدى.
قورعانىس مينيسترلىگىنىڭ سىبايلاس جەمقورلىققا قارسى ءىس-قيمىل جونىندەگى كوميسسياسىنىڭ توراعاسى گەنەرال-لەيتەنانت سۇلتان قامالەتدينوۆ لاۋازىمدى تۇلعالارعا بىرقاتار تاپسىرما بەردى. ول سىبايلاس جەمقورلىققا قارسى ءىس-قيمىل جونىندەگى جۇمىستا زاڭ جۇزىندە قارالعان, ونىڭ ىشىندە اسكەري قىزمەتكە كىر كەلتىرەتىن تەرىس قىلىقتار ءۇشىن تارتىپتىك پراكتيكانى قولدانۋ جونىندەگى جاڭا ەنگىزىلگەن تارماقتاردى نەگىزگە الۋدى تاپسىردى.
