بعم مالىمەتىنشە, بۇگىنگى تاڭدا 2 ميلليونعا جۋىق بالا وسى مۇمكىندىكتى پايدالانىپ ءبىلىمىن شىڭداپ جاتىر. مۇندا وقۋشىلار ءبىلىم كوكجيەكتەرىن كەڭەيتىپ قانا قويماي, ىشكى جان دۇنيەلەرىن رۋحاني بايىتادى. ولاردىڭ بارلىعى ۋاقىتتى ءتيىمدى وتكىزىپ, ىڭعايلى كەستە مەن قىزىقتى فورماتتا وقيدى.
ايتا كەتسەك, جازعى مەكتەپتەر ەمتيحان تاپسىراتىن 9-11 سىنىپ وقۋشىلارىنان باسقا, بارلىق شاكىرتتەر ءۇشىن ۇيىمداستىرىلادى.
«جازعى مەكتەپتەگى ساباقتار سىنىپتاعى وقۋشىلار سانىنا قاراماستان وتەدى. ءار وقۋشى بىلىمىندەگى ولقىلىقتاردىڭ ورنىن تولتىرۋعا مۇمكىندىك الادى. وقۋ ىڭعايلى كەستە بويىنشا قىزىقتى فورماتتا وتەدى. مىسالى, ساباقتار مۋزەيلەردە, تازا اۋادا وتكىزىلىپ, ءارتۇرلى ەكسكۋرسيالار ۇيىمداستىرىلادى. جازدا بالالار ۋاقىتىن تەلەفون ويىندارىن ويناپ وتكىزەتىنىن بىلەمىز. ارينە, ەگەر مۇمكىندىك بەرىلسە, اتا-انالار بالالارعا ۋاقىتتى كىتاپ وقۋعا نەمەسە ءبىلىم الۋعا جۇمساعانى دۇرىس ەكەنىن تۇسىندەرگەنى ابزال. بالالاردىڭ جازعى مەكتەپتەگى وقۋعا قىزىعۋشىلىعىن, ىنتاسىن ارتتىرۋ ءۇشىن مۇعالىمدەر باعا قويىپ, ءۇي تاپسىرماسىن بەرمەيدى. ال مەكتەپ اكىمشىلىگى مەن ۇستازدارى جازدا وقۋ بارىنشا قىزىقتى ءارى تانىمدى ءوتۋى ءۇشىن بارلىق جاعدايدى جاساۋى كەرەك. قازىردىڭ وزىندە اتا-انالار جاقسى پىكىرلەرىن ايتىپ جاتىر», دەدى قر بعم مەكتەپكە دەيىنگى جانە ورتا ءبىلىم كوميتەتىنىڭ ءتورايىمى گۇلميرا كارىموۆا.
سالتانات كەنجەباي
