«نۇر وتان» پارتياسىنىڭ 15 جىلدىعىنا وراي وسى ساياسي ۇيىمنىڭ الماتى وبلىستىق فيليالىنىڭ ۇيىمداستىرۋىمەن «ءبىر حالىق – ءبىر ەل – ءبىر تاعدىر» تاقىرىبىندا تالدىقورعاندا رەسپۋبليكالىق اقىندار ايتىسى ءوتتى. وعان ەلىمىزگە تانىمال ايتىس اقىندارى قاتىستى. يگى شارانى الماتى وبلىسى اكىمىنىڭ ورىنباسارى سەرىك مۇقانوۆ اشتى.
«قازاقتىڭ ءسوز ونەرى – ۇلكەن قازىنا, تاربيە مەكتەبى. سوندىقتان جاستاردىڭ دارىنىن دامىتۋعا, وي-ءورىسىن كەڭەيتۋگە, جاس بۋىن اقىنداردى تاربيەلەۋگە وبلىسىمىزدا جەتە ءمان بەرىلەدى. جىل سايىن مۇقاعالي, ءىلياس وقۋلارى, جىر ءمۇشايرالارى جانە جامبىل اتىنداعى رەسپۋبليكالىق جاس اقىندار ايتىسى تۇراقتى ۇيىمداستىرىلۋدا. ايتىستىڭ دا ايتىسى بار. ناعىز ايتىسقا سۋساعان حالىقتىڭ دەمەۋى مەن مەملەكەت تاراپىنان دا قولداۋ كورىپ وتىرعان بۇل ايتىستىڭ جەتىسۋ جەرىنەن باستالۋىنىڭ وزىندىك تەرەڭ ءمانى بار», دەدى وبلىس اكىمىنىڭ ورىنباسارى.
جىر الىبى جامبىلدىڭ 1943 جىلى جەتىسۋ جەرىندە ۇيىمداستىرىلعان اقىندار ايتىسىندا قازاقتىڭ ايتىس ونەرىندەگى ساڭلاقتارىن تىزبەلەتە توگىلتكەن جىرىمەن تالدىقورعانداعى اقىندار ايتىسى باستالىپ كەتتى. الامان ايتىسقا التاي مەن اتىراۋدان, ارقا مەن الاتاۋدان جانە شىعىستاعى كورشىمىز قىتايدان اۋزىن ايعا بىلەگەن 10 اقىن قاتىستى. جىر دوداسىندا باقتارى مەن باپتارىن سىناعانداردى پارلامەنت ءماجىلىسىنىڭ دەپۋتاتى ورازگۇل اسانعازى باستاعان قازىلار القاسى جەرەبە تاستاۋ ارقىلى جۇپتادى.
قوعامدا ورىن الىپ جاتقان ءتۇرلى وقيعالاردى ءسوز مارجانىمەن تىزبەلەي وتىرىپ, ەلدى سەرپىلتەر ۇتقىر وي, تۇششىمدى پىكىر ايتا بىلگەن اقىندى حالىق قولداپ, دەم بەرە جەلپىنتىپ, 5 ساعات ۋاقىت لەزدە وتە شىقتى. البەتتە, كۇندەلىكتى تىرلىككە بوي سۋىتىپ, بولماشىعا ەل نازارىن اۋدارماق بولعان اقىندى سول زاماتىندا-اق قارسىلاسى ءبىر سوزبەن ءتۇيىپ, تۇقىرتىپ تا تاستاپ وتىردى. ەڭ باستىسى – مادەنيەت سارايىن لىقا تولتىرعان ەل رازى بولدى.
ناتيجەسىندە وزگەلەردەن وق بويى وزا شاۋىپ, سۋىرىلا شىققان استانالىق اقىن سىرىم اۋەسحان باس جۇلدەگە تىگىلگەن 2 ملن. تەڭگەنى جەڭىپ الدى. ال 1-ورىندى يەلەنگەن تالدىقورعاندىق اقىن جانداربەك بۇلعاقوۆ – 1,5 ملن. تەڭگە, 2-ورىنعا قول جەتكىزگەن ديدار قاميەۆ – 1 ملن. تەڭگە, تۇتاستاي العاندا, ايتىسقا قاتىسقان اقىنداردىڭ بارلىعىنىڭ قانجىعالارى مايلاندى.
قورىتا ايتقاندا, نۇروتاندىقتاردىڭ ۇيىتقى بولۋىمەن تالدىقورعاندا وتكەن اقىندار ايتىسى وزىندىك ەرەكشەلىگىمەن مارەسىنە جەتتى.
نۇربول الدىباەۆ,
«ەگەمەن قازاقستان».
الماتى وبلىسى.
«قازاقتىڭ ءسوز ونەرى – ۇلكەن قازىنا, تاربيە مەكتەبى. سوندىقتان جاستاردىڭ دارىنىن دامىتۋعا, وي-ءورىسىن كەڭەيتۋگە, جاس بۋىن اقىنداردى تاربيەلەۋگە وبلىسىمىزدا جەتە ءمان بەرىلەدى. جىل سايىن مۇقاعالي, ءىلياس وقۋلارى, جىر ءمۇشايرالارى جانە جامبىل اتىنداعى رەسپۋبليكالىق جاس اقىندار ايتىسى تۇراقتى ۇيىمداستىرىلۋدا. ايتىستىڭ دا ايتىسى بار. ناعىز ايتىسقا سۋساعان حالىقتىڭ دەمەۋى مەن مەملەكەت تاراپىنان دا قولداۋ كورىپ وتىرعان بۇل ايتىستىڭ جەتىسۋ جەرىنەن باستالۋىنىڭ وزىندىك تەرەڭ ءمانى بار», دەدى وبلىس اكىمىنىڭ ورىنباسارى.
جىر الىبى جامبىلدىڭ 1943 جىلى جەتىسۋ جەرىندە ۇيىمداستىرىلعان اقىندار ايتىسىندا قازاقتىڭ ايتىس ونەرىندەگى ساڭلاقتارىن تىزبەلەتە توگىلتكەن جىرىمەن تالدىقورعانداعى اقىندار ايتىسى باستالىپ كەتتى. الامان ايتىسقا التاي مەن اتىراۋدان, ارقا مەن الاتاۋدان جانە شىعىستاعى كورشىمىز قىتايدان اۋزىن ايعا بىلەگەن 10 اقىن قاتىستى. جىر دوداسىندا باقتارى مەن باپتارىن سىناعانداردى پارلامەنت ءماجىلىسىنىڭ دەپۋتاتى ورازگۇل اسانعازى باستاعان قازىلار القاسى جەرەبە تاستاۋ ارقىلى جۇپتادى.
قوعامدا ورىن الىپ جاتقان ءتۇرلى وقيعالاردى ءسوز مارجانىمەن تىزبەلەي وتىرىپ, ەلدى سەرپىلتەر ۇتقىر وي, تۇششىمدى پىكىر ايتا بىلگەن اقىندى حالىق قولداپ, دەم بەرە جەلپىنتىپ, 5 ساعات ۋاقىت لەزدە وتە شىقتى. البەتتە, كۇندەلىكتى تىرلىككە بوي سۋىتىپ, بولماشىعا ەل نازارىن اۋدارماق بولعان اقىندى سول زاماتىندا-اق قارسىلاسى ءبىر سوزبەن ءتۇيىپ, تۇقىرتىپ تا تاستاپ وتىردى. ەڭ باستىسى – مادەنيەت سارايىن لىقا تولتىرعان ەل رازى بولدى.
ناتيجەسىندە وزگەلەردەن وق بويى وزا شاۋىپ, سۋىرىلا شىققان استانالىق اقىن سىرىم اۋەسحان باس جۇلدەگە تىگىلگەن 2 ملن. تەڭگەنى جەڭىپ الدى. ال 1-ورىندى يەلەنگەن تالدىقورعاندىق اقىن جانداربەك بۇلعاقوۆ – 1,5 ملن. تەڭگە, 2-ورىنعا قول جەتكىزگەن ديدار قاميەۆ – 1 ملن. تەڭگە, تۇتاستاي العاندا, ايتىسقا قاتىسقان اقىنداردىڭ بارلىعىنىڭ قانجىعالارى مايلاندى.
قورىتا ايتقاندا, نۇروتاندىقتاردىڭ ۇيىتقى بولۋىمەن تالدىقورعاندا وتكەن اقىندار ايتىسى وزىندىك ەرەكشەلىگىمەن مارەسىنە جەتتى.
نۇربول الدىباەۆ,
«ەگەمەن قازاقستان».
الماتى وبلىسى.
