بۇل ەلدە ماۋسىمنىڭ 5-ءى كۇنى 2 سايلاۋ ۋچاسكەسى اشىلادى. ونىڭ ءبىرى بەرليندەگى قازاقستان ەلشىلىگىندە بولسا, ەكىنشىسى ماينداعى فرانكفۋرت قالاسىنداعى باس كونسۋلدىق. گەرمانياداعى وتانداستارىمىزعا كونسۋلدىق ءبولىمىنىڭ قىزمەتكەرلەرى رەفەرەندۋم وتەتىنى جايلى حابار تاراتقان. بۇگىنگە دەيىن 200-دەن اسا ازامات داۋىس بەرەتىنىن راستاعان. اتا زاڭىمىزعا وزگەرتۋلەر ەنگىزۋ بويىنشا رەفەرەندۋمعا گەرمانيا اۋماعىندا جۇمىس ىستەپ جۇرگەن قازاقستاندىقتار, ستۋدەنتتەر جانە ديپلوماتتار مەن ولاردىڭ وتباسى مۇشەلەرى قاتىسادى.
«رەفەرەندۋمعا دايىندىق جۇرگىزگەن كەزدە ءبىزدىڭ كونسۋلدىق بولىمدەر بۇكىل گەرمانيادا قازىرگى تاڭدا جۇرگەن قازاقستاندىق ازاماتتارعا اقپارات بەرىپ, ەلشىلىكتىڭ باس كونسۋلدىق سايتتارىندا, الەۋمەتتىك جەلىلەردە, پاراقشالارىندا حابارمالار جاريالادىق. گەرمانيادا جۇرگەن قازاقستاننىڭ 18 جاسقا تولعان جانە بەلسەندى سايلاۋ قۇقىعىنا يە ازاماتتار قاتىسا الادى. ءبىز اۋقىمدى جۇمىس وتكىزدىك. وسىعان بايلانىستى قازىرگى تىزىمدە بىزدە ەكى جۇزدەن اسا, ءۇش جۇزگە باراتىنداي قازاقستان ازاماتى تىركەلگەن. ولار جەكسەنبى كۇنى كەلىپ, ءوز داۋىستارىن بەرەدى دەپ ويلايمىز», دەدى №247-ءشى سايلاۋ ۋچاسكەسى كوميسسياسىنىڭ توراعاسى شولپان شىناسىلوۆا.
ايانا توعانبەك
