ايماقتار • 29 مامىر، 2022

كۇرىش ءونىمىن ارتتىرۋ جايى ءسوز بولدى

93 رەت كورسەتىلدى

قىزىلوردا وبلىستىق كاسىپكەرلەر پالاتاسىنىڭ شاقىرۋىمەن سىر بويىنا ۋكراينا ۇلتتىق اگرارلىق اكادەمياسى كۇرىش ينستيتۋتىنىڭ ديرەكتورى ۆلاديمير دۋدچەنكو، كۇرىش زەرتتەۋ ينستيتۋتىنداعى تاجىريبەلىك شارۋاشىلىق ديرەكتورى اندرەي بورەيكو، كاسىپكەر الەكساندر پولوحوۆ كەلىپ، وڭىردەگى سۋ، اۋىل شارۋاشىلىعى سالاسىنا جاۋاپتى مەملەكەتتىك ورگان وكىلدەرىمەن، شارۋالارمەن كەزدەستى.

ۋكراينالىق عالىمدار قا­تىس­قان كەزدەسۋلەردە شارۋا­شى­­لىقتى ءارتاراپتاندىرۋ، سۋدى ءتيىمدى پاي­دالانۋ، ەكىجاقتى ساۋدا-سات­تىق پەن كۇرىش شىعىمىن ارتتىرۋ تال­قىلاندى.

سىرداريا سۋىنىڭ جىل سا­يىن سارقىلىپ كەلە جاتقانىنان ۋكراينالىق عالىمدار دا حاباردار ەكەن. ولار ءوز ەلدەرىندەگى وسىنداي پروبلەمانى شەشۋ تا­جىريبەسىن ايتتى. ەكى وبلىسى كۇرىش ەگۋمەن اينالىساتىن ۋكراي­نادا سۋدى بىزگە قاراعاندا ەكى ەسە از پايدالانادى. بۇل ۇكىمەت، جەرگىلىكتى اتقارۋشى ورگان جانە كاسىپكەرلەر بىرلەسە جاساعان جۇمىستىڭ ناتيجەسى. قوناقتار جالپى بۇل ماسەلە ۋك­راي­نادا ارنايى مەملەكەتتىك باع­دارلاما ارقىلى شەشىلگەنىن ايتادى.

– شارۋاشىلىق يەلەرى ەڭ الدىمەن كۇرىش ەگىلەتىن القاپتىڭ تەگىس­تىگىن قولعا الۋعا ءتيىس، ال اكىم­دىك كانالداردى قورشاپ، رە­كونسترۋكتسيا جاساپ، استىن بەتونداپ، جاۋاپتى مەكەمەنىڭ بالان­سىنا بەرۋ جۇمىستارىن ۇيىمداستىرعانى ءجون، – دەدى ۆ.دۋدچەنكو.

ۋكراينالىق دەلەگاتتار كۇ­رىش سورتتارى جايلى دا ايتىپ ءوتتى. قازىر قىزىلوردالىق ديقاندار قولدانىپ جۇرگەن تۇقىمدار گەكتارىنا 50-60 تسەنت­نەردەن اينالسا، 105 كۇندە پى­سە­تىن ۋكراي­نالىق كۇرىشتەن بۇدان دا جوعارى ءونىم الۋعا بولادى. بىلتىر جا­لاعاش اۋدا­نىنداعى «ەر ءالى» شارۋا قوجا­لىعى وسى تۇقىمدى ەگىپ، گەكتارىنا 90 تسەنت­نەردەن ءونىم الدى.

قوناقتار قىزىلوردالىق كا­سىپ­كەرلەرمەن ساۋدا-ساتتىق جاع­دايىن دا تالقىلادى. ەكى جاق وكىلدەرى سوڭعى ۋاقىتتاعى گەوساياسي جاعدايلارعا بايلانىستى كى­دىرىستەپ قالعان بايلانىستى جانداندىرۋعا دايىن ەكەنىن ايتىپ، تاۋاردى جەتكىزۋ باعىتىن اقىلداستى. قوس ەل ماماندارى اۋىل شارۋاشىلىعىن ءار­تا­راپ­تان­دىرۋ ماسەلەسىن، بىر­لەس­ك­ەن جوبالار جايىن دا ءسوز ەتتى. ۋك­راي­نالىقتار كەلەشەكتە سىر ب­و­يىندا قانت ءوندىرىسىن جۇزەگە اسىرىپ كورمەك.

– ۋكراينالىق ارىپتەس­تە­رى­مىزدىڭ تاجىريبەسى بىزگە كوپ كومە­گىن تيگىزەدى دەپ ۇمىتتەنەمىز. الدا تىڭ تاجىريبەلەردى وبلىس كاسىپكەرلەرىنە جەتكىزىپ، جۇزە­گە اسىرۋ مۇمكىندىكتەرىن قاراستىرامىز، – دەدى وبلىستىق كاسىپكەرلەر پالاتاسىنىڭ ديرەكتورى پىرمۇحاممەد سىزدىقوۆ.

 

قىزىلوردا وبلىسى

سوڭعى جاڭالىقتار

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

نوۆاك دجوكوۆيچ قازاقستانعا كەلەدى

تەننيس • 23 قىركۇيەك، 2022

اتىراۋدا قوناقۇيدەن ءورت شىقتى

وقيعا • 23 قىركۇيەك، 2022

ۇقساس جاڭالىقتار