ەلوردا • 29 مامىر، 2022

ەلوردادا ءۇشىنشى سورعى-سۇزگى ستانتسياسىنىڭ قۇرىلىسى باستالدى

16 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا وتكەن جىلدان باستاپ سورعى-سۇزگى ستانتسياسىنىڭ قۇرىلىسى باستالعانىن ءمالىم ەتتى، دەپ حابارلايدى Egemen.kz.



«قالا تۇرعىندارىنىڭ جىل سايىن ءوسىپ كەلە جاتقانىن ەسكەرەر بولساق، ينجەنەرلىك جەلىلەرگە دە تۇسەتىن كۇش ارتىپ كەلەدى. الداعى ۋاقىتتا جاڭا اۋدانداردى اۋىز سۋمەن قامتاماسىز ەتۋ جانە قازىرگى قۋاتىن ارتتىرۋ ءۇشىن وتكەن جىلدان باستاپ سورعى-سۇزگى ستانتسياسىنىڭ (سسس-3) قۇرىلىسى باستالدى. قالانى ارالاۋ كەزىندە سسس-3 قۇرىلىسىنىڭ بارىسىمەن تانىستىم. نىسان ءىشىنارا وسى جىلدىڭ سوڭىنا قاراي پايدالانۋعا بەرىلەدى، ال 2023 جىلدان باستاپ جاڭا سسس-3 جۇمىسىنىڭ قۋاتىن ارتتىرامىز. ماسەلەن، قازىر تاۋلىگىنە 300 مىڭ تەكشە مەتر تۇتىناتىن بولساق، سسس-3 قۋاتى تاۋلىگىنە قوسىمشا 100 مىڭ تەكشە مەتردەن اسادى»، دەپ جازدى قالا باسشىسى.

سول سياقتى جاڭا اۋدانداردى جىلۋمەن قامتۋ ءۇشىن جەو-3 قۇرىلىسىن قايتا باستالعان. التاي سەيدىر ۇلىنىڭ سوزىنشە، جەرگىلىكتى 3 گاز قازاندىعىن جوبالاۋ جۇمىسى ءجۇرىپ جاتىر. سونداي-اق كارىز تازارتۋ قۇرىلىسىن (كتق-2)، «اراي»، «جۇلدىز» جانە ت.ب. قوسالقى ستانتسيالاردى جوبالاۋ جانە رەكونسترۋكتسيالاۋ جۇمىسى قولعا الىنعان.

«ماڭىزدى ماسەلەلەردىڭ ءبىرى – گازداندىرۋ. الماتى جانە سارىارقا اۋداندارىن تولىقتاي كوگىلدىر وتىنعا قول جەتكىزۋمەن قامتاماسىز ەتتىك. ول ءۇشىن 680 كم-دەن استام گاز تاراتۋ جەلىسى سالىندى. بايقوڭىر جانە ەسىل اۋداندارىنا گاز قۇبىرىنىڭ قۇرىلىسىنا كىرىستىك»، دەپ جازدى ەلوردا اكىمى.



 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار