ايماقتار • 28 مامىر، 2022

الماتىدا مەترونىڭ جاڭا ستانتسيالارى اشىلادى

26 رەت كورسەتىلدى

الماتى قالاسىندا «سارىارقا» جانە «باۋىرجان مومىش ۇلى» مەترو ستانتسيالارى ىسكە قوسىلادى، دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.



ولار قازىرگى قىزمەت كورسەتىپ تۇرعان توعىز ستانتسيانىڭ جالعاسى رەتىندە قالا ورتالىعىن شەتكى اۋداندارمەن بايلانىستىرادى.

«ەكى جاڭا ستانتسيا ىسكە قوسىلعاننان كەيىن مەترو جەلىسىنىڭ جالپى ۇزىندىعى 3،1 شاقىرىمعا ۇزارىپ، ەندى 13،4 شاقىرىمدى قۇرايتىن بولادى. جەلى بويىنا 7-10 مينۋت سايىن جۇرەتىن ءتورت ۆاگوندى 15 ەلەكتر پويىزىن جىبەرۋ جوسپارلانعان. قازىرگى تاڭدا مەترو كۇنىنە 45 مىڭعا جۋىق جولاۋشى تاسىمالدايدى. جاڭا ستانتسيالار ىسكە قوسىلعاننان كەيىن بۇل كورسەتكىش كۇنىنە 85 مىڭ جولاۋشىعا دەيىن وسەدى دەپ كۇتىلۋدە»، دەپ جازىلعان اقپارات كوزىندە.

«ماسكەۋدەن» كەيىنگى «سارىارقا» ستانتسياسى اباي داڭعىلى بويىندا التىنسارين داڭعىلى مەن ساين كوشەلەرىنىڭ ارالىعىندا – Family Park ماڭىندا ورنالاسقان. تەرەڭ سالىنعان، ەكى كىرەبەرىسى مەن ءبىر ۆەستيبيۋلى بار. ستانتسيادا ەكى جەدەلساتى مەن سەگىز ەسكالاتور ورناتىلعان. ينتەرەر جاساۋ كەزىندەگى نەگىزگى يدەيا – سارىارقانىڭ شەكسىز كەڭ دالاسىنىڭ اسەمدىگىن كورسەتۋ. قابىرعالارى ءمارمار تاستاردان قۇراستىرىلىپ، گرانيتپەن ورنەكتەلگەن. شەتكى جاعىنداعى قابىرعادا جازىق دالانىڭ ۇستىنەن شىعىپ كەلە جاتقان كۇن، ونىڭ بەرگى جاعىندا قازاقستان استاناسى بەينەسى ماڭىندا شاۋىپ كەلە جاتقان جۇيرىك اتتار بەينەلەنگەن پاننو ورناتىلعان.

«باۋىرجان مومىش ۇلى» ستانتسياسى اباي داڭعىلى بويىندا مومىش ۇلى كوشەسىنىڭ باتىسىندا ورنالاسقان. تاياز ورنالاسقان، ەكى ۆەستيبيۋل مەن التى كىرەبەرىسى بار. ستانتسيادا التى جەدەلساتى مەن ون بەس ەسكولاتور ورناتىلعان. پلاتفورما ۇزىندىعى – 108 مەتر. الماتى مەترو جەلىسىنىڭ ون ءبىرىنشى ستانتسياسى ازىرگە سوڭعى ستانتسيا بولىپ سانالادى»، دەلىنگەن جازبادا.

ستانتسيا ۇلكەن تۇرعىن الاپتىڭ ورتاسىندا ورنالاسقان. قابىرعالار مەن تىرەۋىشتەردى بەزەندىرۋ ءۇشىن اشىق رەڭكتى مارجان-سۇر ءتۇستى اعاش تەكتەس كەراميكالىق پانەلدەر، ال ەدەندى قاپتاۋعا – اشىق سۇر ءتۇستى تابيعي گرانيت پايدالانىلعان.

سايتتىڭ مالىمەتىنشە، بولاشاقتا «قالقامان» ستانتسياسى قۇرىلىسىن اياقتاپ، مەترونى باتىس باعىتتا «بارلىق» بازارىنا دەيىن دامىتۋ جوسپارلانعان.

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار