الەم • 28 مامىر، 2022

مايمىلشەشەك ەۋروپانىڭ تاعى ءبىر ەلىندە انىقتالدى

17 رەت كورسەتىلدى

فينليانديادا 27 مامىردا العاش رەت مايمىل شەشەگى تىركەلدى، دەپ حابارلايدى Egemen.kz ريا نوۆوستي پورتالىنا سىلتەمە جاساپ. 

ينفەكتسيا ەۋروپادا جۇرگەن ەر ادامنان تابىلدى. ناۋقاس قازىر جازىلىپ كەلەدى.  اۋرۋعا كۇدىك بارىن 25 مامىردا حابارلاعان.

مايمىل شەشەگى - ادامدارعا جانۋارلاردان بەرىلەتىن، 1970 جىلدارى كونگو دەموكراتيالىق رەسپۋبليكاسىندا تىركەلگەن سيرەك كەزدەسەتىن ۆيرۋستىق زوونوزدى اۋرۋ. سيمپتومدارىنا باس اۋرۋى جانە تەرى بورتپەلەرى جاتادى. بورتپە بەتتەن باستالىپ، دەنەنىڭ قالعان بولىگىنە تارايدى.

ەسكە سالايىق، بۇعان دەيىن ددۇ مايمىل شەشەگى اۋرۋىن تالقىلاۋ ءۇشىن ساراپشىلاردىڭ توتەنشە جينالىسىن شاقىرعان بولاتىن. سونىمەن قاتار، ۇيىم وكىلى افريكادان تىس جەرلەردە مايمىل شەشەك ۆيرۋسىنا قارسى جاپپاي ۆاكتسينا الۋدىڭ قاجەتى جوق دەپ سانايتىنىن جەتكىزگەن ەدى.

ددۇ مالىمەتىنشە، الەمدە اۋرۋدىڭ 200-گە جۋىق راستالعان جاعدايى تىركەلگەن، بىراق ءىس جۇزىندە ولاردىڭ سانى ەداۋىر كوپ بولۋى مۇمكىن.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار