ايماقتار • 27 مامىر، 2022

قاراعاندىدا پويىز رەلسىن ۇرلاعاندار ۇستالدى

26 رەت كورسەتىلدى

قاراعاندىدا ۇزىندىعى 222 مەتر رەلستى ۇرلاپ كەتكەن ءبىر توپ ادام قولعا ءتۇستى، دەپ حابارلايدى Egemen.kz.

وسى جىلدىڭ ءساۋىر ايىندا ءبىر توپ ادام ارنايى تەحنيكانى پايدالانا وتىرىپ، «جەزقازعان-رزد-1» ستانتسياسىنىڭ ارالىعىندا اۋىستىرىپ توسەۋگە ارنالعان جالپى ۇزىندىعى 222 مەتر بولاتىن رەلستى ۇرلاپ كەتكەن.

سونىمەن قاتار 1600 مەتر تەمىر جول توسەمى زاقىمدالىپ، شىعىن سوماسى 54 ملن تەڭگەدەن اسقان. بۇل تۋرالى كولىكتەگى پوليتسيا دەپارتامەنتىنىڭ باستىعى وڭال بەكەەۆ ايتتى.

«21 مامىردا جەدەل-ىزدەستىرۋ ءىس-شارالارىن جۇرگىزۋ بارىسىندا قاراعاندى-سۇرىپتاۋ ستانتسياسىنداعى جەلىلىك پوليتسيا ءبولىمىنىڭ قىزمەتكەرلەرى اتالعان قىلمىستى جاسادى دەگەن كۇدىكپەن ءتورت ادامدى  ۇستادى»، دەدى و. بەكەەۆ.

دەپارتامەنت باستىعى ۇستالعانداردان زاتتاي دالەلدەمەلەر الىنعانىن ايتتى.

قازىر اتالعان فاكتى بويىنشا قر قك 188-بابى 4-بولىگىنىڭ 3 تارماعى، ياعني اسا ءىرى مولشەردە ادامدار توبى الدىن الا ءسوز بايلاسۋ ارقىلى جاساعان ۇرلىق بويىنشا سوتقا دەيىنگى تەرگەۋ باستالدى.

«وزگە مالىمەتتەر قر قىلمىستىق-پروتسەستىك كودەكسiنىڭ 201-بابىنىڭ تالاپتارىنا سايكەس تەرگەۋ مۇددەسىنە وراي جاريالاۋعا جاتپايدى»، دەدى پوليتسيا گەنەرال-مايورى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار