بىشكەكتە ءوتىپ جاتقان ءبىرىنشى ەۋرازيا ەكونوميكالىق فورۋمعا قاتىسقان قاۋىمداستىق باسشىسى الدىمەن, سوڭعى ەكى جىلدىڭ حالىقارالىق ساۋداعا اۋىر تيگەنىن اتاپ ءوتتى. ونىڭ ايتۋىنشا, پاندەميا جانە الەمدەگى گەوساياسي جاعداي قازاقستاننىڭ سىرتقى ساۋدا بەلسەندىلىگىنە اسەرىن تيگىزدى.
«قىتاي تاراپىنان شەكتەۋ شارالارى ءبىزدىڭ ەلىمىز ءۇشىن ۇلكەن كەدەرگى بولدى. 2020 جىلدان باستاپ قازاقستان ۇكىمەتى وتكىزۋ بەكەتتەرىنىڭ جۇمىسىن جاقسارتۋ ءۇشىن قىتاي تاراپىمەن ديالوگ جۇرگىزدى. قازىر كوپتەگەن كاسىپورىن قوسىمشا وتكىزۋ نارىقتارىن يران, قىتاي, ۆەتنام جانە مىسىر ارقىلى قاراستىرىپ جاتىر. اتالعان ەلدەر قازاقستاندى دا ەكسپورت مۇمكىندىكتەرىن دامىتۋ ءۇشىن الەۋەتتى سەرىكتەس رەتىندە قاراستىرىپ وتىر. سوڭعى ەكى جىلدا ءدال وسى ەلدەرمەن جاڭا پىسكەن جانە كەپتىرىلگەن جەمىس پەن كوكونىس ونىمدەرىنە, مۇزداتىلعان جانە سالقىنداتىلعان ەت پەن تاماق ونىمدەرىنىڭ بارلىق اسسورتيمەنتىنە قاتىستى ساۋدانىڭ ءوسۋى بايقالادى», دەدى ايجان ناۋرىزعاليەۆا ەۋرازيا ەكونوميكالىق فورۋمدا.
سونداي-اق قاۋىمداستىق باسشىسى قازاقستاندا قانت قىزىلشاسىنىڭ سورتتارىن اۋدانداستىرۋ باعىتىندا قازاقستاندىق جانە رەسەيلىك عالىمداردىڭ بىرلەسىپ جۇمىس ىستەپ جاتقانىن حابارلادى.
سپيكەردىڭ مالىمدەۋىنشە, رەسەي فەدەراتسياسىمەن ەكونوميكالىق بايلانىستاردىڭ كەڭەيۋىنە قاراماستان, قازىرگى ۋاقىتتا جەتكىزۋ ۋاقىتى ۇزارتىلدى.
ايتا كەتەيىك, بۇگىن بىشكەكتە ءبىرىنشى ەۋرازيا ەكونوميكالىق فورۋم ءوتىپ جاتىر. اتالعان شاراعا قازاقستان اتىنان ءبىر توپ دەلەگاتسيا باردى.
