اسا جەڭىل سالماقتا باق سىناپ جۇرگەن 33 جاستاعى جالعاس بۇعان دەيىن امەريكالىق پروموۋشەندە ءتورت كەزدەسۋ وتكىزىپ, سونىڭ ۇشەۋىندە جەڭىلگەن ەدى. ەندى ءبىر رەت ۇتىلسا, UFC-ءدىڭ باسشىلارى ونىمەن كەلسىمشارتتى ۇزارتپاۋى دا ابدەن مۇمكىن. سول سەبەپتى وسى باسەكەدە جالعاسقا جەڭىس اۋاداي قاجەت. بۇل جولى قانداسىمىز دجەفف مولينامەن كۇش سىناسادى. 24 جاستاعى اقش سپورتشىسى وكتاگوندا بارلىعى 12 كەزدەسۋ وتكىزىپ, 10 رەت جەڭىسكە جەتتى. سەگىز رەت ايقىن باسىمدىق تانىتتى. مولينا جەڭىستەرىنە كوبىنە «سابميشەن» ءادىسى ارقىلى قول جەتكىزدى.
لاس-ۆەگاستاعى ءتۋرنيردىڭ باستى باسەكەسى اسا اۋىر سالماقتا ايقاساتىن رەسەيلىك الەكساندر ۆولكوۆ پەن سۋرينامدىق جايرزينو روزەنسترايك اراسىندا وتەدى. سونداي-اق دەن يگە (اقش) مەن موۆسار ەۆلوەۆ (رەسەي), مايكل تريزانو (اقش) مەن لۋكاس المەيدا (برازيليا) جانە ودە وسبورن (يامايكا) مەن زارۋح اداشەۆ (وزبەكستان) اراسىنداعى جەكپە-جەكتىڭ دە كوپشىلىكتىڭ قىزىعۋشىلىعىن تۋدىراتىنى انىق.
