اشىق چەمپيوناتتىڭ ماقساتى – روبوتتى قۇراستىرۋ جانە باعدارلامالاۋ باعىتىندا دارىندى وقۋشىلاردى انىقتاۋ, قولداۋ كورسەتۋ جانە ءبىلىم سالاسىندا عىلىم مەن تەحنولوگيانىڭ دامۋىنا وراي وقۋشىلاردى عىلىمي ىزدەنىسپەن اينالىسۋعا داعدىلاندىرۋ.
اشىق چەمپيونات 5-11-cىنىپ وقۋشىلارى ءۇشىن «روبو-گيد» جارىسى, 1-4-cىنىپ وقۋشىلارى ءۇشىن «روبو بوز جورعا» جانە «روبوتتاردىڭ ارقان تارتىسى» جارىستارى, 5-11-cىنىپ وقۋشىلارى ءۇشىن «روبو-الامان بايگە» جارىسى اتالىمدارىندا ءوتتى. ال بارلىق سىنىپتار ءۇشىن ء«ۇي كومەكشىسى» تاقىرىبىندا شىعارماشىلىق بايقاۋى ۇيىمداستىرىلدى. اشىق چەمپيوناتتىڭ وبلىستىق كەزەڭىنە اۋدان, قالا, وبلىستىق مامانداندىرىلعان مەكتەپتەردەن 49 وقۋشى قاتىستى.
سونداي-اق ماڭعىستاۋ وبلىسىندا باستاۋىش سىنىپ وقۋشىلارىنىڭ وبلىستىق وليمپياداسى ءوتتى. باستاۋىش سىنىپ وقۋشىلارىنىڭ ءبىلىمى مەن قابىلەتىن انىقتاپ, پانگە قىزىعۋشىلىعىن ارتتىرۋ, باستاۋىش سىنىپ وقۋشىلارىنىڭ وليمپيادالىق رەزەرۆىن جاساقتاۋ, دارىندى بالالاردى قولداۋ جانە دامىتۋ ماقستاىندا وتكەن وليمپياداعا قازاق تىلىندە جانە ورىس تىلىندە ءبىلىم بەرەتىن مەكتەپتەردىڭ 2-4 سىنىپ وقۋشىلارى قاتىستى. وليمپيادادا ءاربىر وقۋشى 3 ءپان – ماتەماتيكا, قازاق ءتىلى مەن انا ءتىلى, دۇنيەتانۋ پاندەرى بويىنشا تاپسىرما ورىندادى. وليمپياداعا 36 وقۋشى قاتىسىپ, 21 وقۋشى جەڭىمپاز اتاندى.
ماڭعىستاۋ وبلىسى
