رەفەرەندۋم-2022 • 26 مامىر، 2022

Cاll ورتالىقتار – 7/24 رەجىمدە

36 رەت كورسەتىلدى

ورتالىق رەفەرەندۋم كوميسسياسىنىڭ توراعاسى نۇرلان ءابدىروۆ تۇركىستان وبلىسىنىڭ ارىس جانە شىمكەنت قالالارىندا ءىسساپاردا بولىپ، وڭىرلەردىڭ رەفەرەندۋمعا دايىندىعىن باقىلادى.

ساپار اياسىندا قوس قالادا رەفە­رەندۋمعا دايىندىق پەن ونى وتكىزۋ، داۋىس بەرۋگە ارنالعان ۋچاس­كەلەردى ماتەريالدىق-تەحني­كالىق جابدىقتاۋ جونىندەگى اكىم­دىك­تەر مەن اۋماقتىق رەفەرەندۋم كوميسسيالارىنىڭ جۇمىس ماسەلەلەرى قارالعان سەمينار-كەڭەستەر ءوتتى. اۋماقتىق رەفەرەندۋم كوميسسيالارىنىڭ مۇشەلەرى، جەرگىلىكتى اتقارۋشى جانە وكىلدى ورگانداردىڭ وكىلدەرى، ادىلەت دەپارتامەنتىنىڭ، پروكۋراتۋرانىڭ باسشىلارى جانە باق وكىلدەرى قاتىس­قان سەمينارلاردا «قازاق­ستان رەسپۋبليكاسىنىڭ كونستي­تۋ­تسياسىنا وزگەرىستەر مەن تولىق­تى­رۋ­لار ەنگىزۋ تۋرالى» زاڭ جوباسى، داۋىس بەرۋ كۇنى باق وكىلدەرىن تىركەۋ ءتارتىبى، رەفەرەندۋم تۋرا­لى زاڭنامانى بۇزعانى ءۇشىن جاۋاپ­كەرشىلىك ءتۇسىندىرىلدى.

كەڭەستە نۇرلان ءابدىروۆ ازامات­تاردى اقپاراتتاندىرۋ ما­سە­­لە­لەرىنە كەڭىنەن توقتالدى. ال اكىمدىك وكىلدەرى وسى باعىتتا اتقا­رىلعان جۇمىستار تۋرالى جان-جاق­تى باياندادى.

ماسەلەن، تۇركىستان وبلىسىندا رەسپۋبليكالىق رەفەرەندۋم تۋرالى اقپارات پەن كەڭەس بە­رە­تىن بىرىڭعاي Call ورتا­لىق ىسكە قو­سىلدى. بىرىڭعاي ساll ورتا­لىعىنا حابارلاسىپ، رەسپۋبليكالىق رەفەرەندۋمعا قاتىسۋعا قۇقىعى بار ازاماتتاردىڭ تىزىمىندە بار-جوعىن تەكسەرىپ، سونداي-اق ءوز ۋچاس­كەسىنىڭ ءنومىرى مەن مەكەن­جايىن ناقتىلاۋعا بولادى. شىم­كە­نت قالاسىندا دا اپتاسىنا 5 كۇن رەفەرەندۋم وتكىزۋ بويىنشا ازاماتتاردىڭ سۇراقتارىنا جاۋاپ بەرەتىن Cاll ورتالىقتار ۇيىمداستىرىلعان. ال 1 ماۋسىمنان باستاپ بۇل ورتالىقتار اپتاسىنا 7 كۇن، تاۋلىگىنە 24 ساعات رەجىمگە اۋىستىرىلادى.

«2 GIS» جۇيەسىندە 1 ماۋسىمنان باستاپ ءموبيلدى پلاتفورمالار ءۇشىن قولجەتىمدى بولاتىن «رەفەرەندۋم ۋچاسكەسىن ىزدەۋ» سەرۆيسى قوسىلادى. I-shymkent.kz سايتى ارقىلى سايتتاعى داۋىس بەرۋشىلەر تىزىمىندە تەكسەرۋ سەرۆيسى جۇمىس ىستەيدى، Telegram-دا ishym_bot ىسكە قوسىلعان، وسى سەرۆيستەردىڭ كومەگىمەن ءاربىر ازامات جسن تەرۋ ارقىلى رەفەرەندۋم بويىنشا ءوز ۋچاسكەسىن انىقتاي الادى. سەمينارعا قاتىسۋشىلاردان كەلىپ تۇسكەن بارلىق سۇراقتارعا ورتالىق رەفەرەندۋم كوميسسياسىنىڭ وكىل­دە­رى تولىق جاۋاپ بەردى.

«رەفەرەندۋم ۇيىمداستىرۋ مەن وتكىزۋ بويىنشا بارلىق ءىس-شاراعا بارىنشا كۇش سالۋ كەرەك. داۋىس بەرۋ كۇنىنە ەكى اپتادان از ۋاقىت قالدى. رەفەرەندۋمدى وتكىزۋگە بايلانىستى بارلىق ۇيىمداستىرۋشىلىق اسپەكتىلەردى پىسىقتاۋ قاجەت»، دەپ اتاپ ءوتتى كوميسسيا توراعاسى.

سونىمەن قاتار كەڭەستە ەكى قالاداعى 15 ۋچاسكەگە ينس­پەك­تسيا­لىق تەكسەرۋ جۇرگىزىلىپ، ەرەكشە قاجەتتىلىكتەرى بار ادامدارعا جاعدايلار جاساۋ جۇمىستارى پىسىقتالدى. ۋچاسكەلىك كوميسسيا مۇشەلەرى داۋىس بەرۋگە ارنالعان ءۇي-جايدى ۇيىمداستىرۋشىلىق-تەحنيكالىق قامتاماسىز ەتۋ، مۇگە­دەك­تىگى بار سايلاۋشىلار ءۇشىن قاجەتتى جاعدايلار جاساۋ تۋرالى باياندادى. جيىندا نۇرلان ءابدىروۆ كوميسسيالارعا داۋىس بەرۋدى جانە داۋىس ساناۋ پرو­تسەدۋراسىن ۇيىمداستىرۋ كەزىن­دە قوعامدىق بىرلەستىكتەردىڭ، حالىقارالىق بايقاۋشىلار مەن باق وكىلدەرىنە قاجەتتى شولۋدى قامتاماسىز ەتۋ قاجەتتىگىن تاپسىردى. سونداي-اق، ول ۋچاسكەلەردەگى بارلىق اقپاراتتىق-ءتۇسىندىرۋ ماتە­ريالدارى رەفەرەندۋمنىڭ بار­لىق قاتىسۋشىلارىنىڭ، ونىڭ ىشىندە مۇگەدەكتىگى بار ادامدار ءۇشىن قولجەتىمدى جانە ىڭعايلى بولۋى ءتيىس ەكەنىن اتاپ ءوتتى. «بۇل ساناتتاعى بىردە-ءبىر ازامات نازاردان تىس قالماۋى ءتيىس»، دەپ اتاپ ءوتتى ن.ءابدىروۆ.

ۋچاسكەلىك كوميسسيا مۇشە­لە­رى­مەن كەزدەسۋ اياسىندا «داۋىس بەرۋ كۇنى» اتتى ويىن ءتارتىبىن قولدانا وتى­رىپ، كوميسسيا مۇشەلەرىن دا­يىنداۋ بويىنشا وقۋ ترەنينگى ۇيىمداستىرىلدى. ترەنينگتىڭ ماقساتى – كوميسسيا مۇشەلەرىنىڭ داۋىس بەرۋ ءراسىمىن يگەرۋى، رەفە­رەن­دۋمعا قاتىسۋ قۇقىعى بار ازا­م­ات­تاردىڭ ءتىزىمى، ەسەپتەن شىعارۋ كۋالىكتەرى، ازاماتتاردىڭ، قو­عام­دىق بىرلەستىكتەر وكىلدە­رى­نىڭ اۋىز­شا جانە جازباشا وتىنىشتەرىمەن جۇمىس ىستەۋدىڭ تاجىريبەلىك داع­دى­لا­رىن يگەرۋ.

كەزدەسۋ قورىتىندىسى بو­يىنشا نۇرلان ءابدىروۆ اۋماقتىق جانە ۋچاسكەلىك كوميسسيالاردىڭ مۇشەلەرىنە بىرقاتار ناقتى تاپسىرما بەرىپ، داۋىس بەرۋ كۇنى رەفەرەندۋمدى ۇيىمداستىرۋ مەن وتكىزۋ زاڭناما تالاپتارىنا سايكەس جۇزەگە اسىرىلۋى ءتيىس ەكەنىن ەرەكشە اتاپ ءوتتى.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار