ايماقتار • 25 مامىر، 2022

600 اتا-انا فورۋم قوناعى بولدى

33 رەت كورسەتىلدى

وسكەلەڭ ۇرپاق تاربيەسى تۋرالى ءسوز قوزعالعاندا، اتا-اناعا ارتىلعان مىن­دەتتىڭ ماڭىزى مەن جاۋاپ­كەرشىلىگىنىڭ اسا زور ەكەنى بەلگىلى. بۇعان كەنشىلەر استاناسىندا بالالار جىلى اياسىندا وتكەن وتبا­­سىنداعى تاربيە جانە بالا­­لاردى الەۋمەتتەندىرۋ ماسەلەلەرى جونىندەگى اتا-انالار فورۋمىندا كوزىمىز ءتىپتى دە انىق جەتە ءتۇستى.

جيىنعا ارنايى كەلىپ قا­تىسقان قوناق­تاردىڭ دا قاراسى مول بولدى. ولار­دىڭ قاتارىن­دا ءبىلىم جانە عىلىم مي­نيستر­­لىگى­نىڭ بالالاردىڭ قۇقىقتا­رىن قورعاۋ كومي­تەتى توراعاسى­نىڭ ورىنبا­سارى د.جەكە­باەۆ، قارا­عاندى وبلىسى قازاق­ستان حال­قى اسسام­بلەياسى انالار كەڭە­­سىنىڭ مۇشەسى ل.قوجاح­مە­توۆا، Seni­men Bolashaq رەس­پۋبليكالىق قو­عام­دىق بىر­لەس­تىگى توراعاسىنىڭ كەڭەسشىسى گ.ۋماروۆا، «تۇلعاتانۋ» عىلى­مي-زەرتتەۋ ورتالىعى­نىڭ دي­رەك­تورى ن.بەيسەنبەكوۆا، Qasym Kitap جوباسىنىڭ جەتەك­شىسى ە.ءاشىم، گۋماندى پەداگوگيكا مۇ­عالىمى، وتباسىلىق كوۋچ جانە «جاڭا ۇرپاق» رەسپۋبليكا­لىق كوشباسشىلىق مەكتەبىنىڭ نە­گىزىن قالاۋ­شى ا.ابجانوۆ، ء«بى­لىم-يننوۆاتسيا» حالىق­ارا­لىق قوعامدىق قورىنىڭ اعىل­شىن ءتىلى مۇعالىمى ن.يمانعا­ليەۆ، BTS Education زەرتتەۋ ءبولىمى باس دي­رەكتورىنىڭ ورىنباسارى ە.مول­داقاسىموۆ جانە باسقا­لار بولدى.

فورۋم بارىسىندا كوپتە­گەن پايدالى ءىس-شارا ۇيىم­داس­تىرىلدى. اتاپ ايت­قان­دا، الەۋ­مەتتىك ءوزارا ءىس-قي­مىل پروبلە­­ما­­­لارىن شەشۋ داع­دى­لارىن دا­مىتۋ بويىن­شا ينتەراكتيۆتى فو­رۋم-تەاترلار، ديالوگ الاڭ­دارى، ­اتا-انالار مەن وقۋشىلار ءۇشىن جەكە پسي­حولوگيالىق كون­سۋلتاتسيا­لار، كاسىپتىك باع­دار­لاۋ جارمەڭكەسى جانە «ومىر­لىك داعدىلار جانە جاھان­دىق قۇزىرەتتەر» تاقى­رىبىندا كورمە وتكىزىلدى.

ديالوگتىق الاڭداردىڭ جۇ­مىسىندا سپيكەر رەتىندە كامە­لەتكە تولماعانداردىڭ ىستەرى جو­نىندەگى مامانداندىرىلعان اۋدان­ارالىق سوتتىڭ توراعاسى دينارا مۇتىباەۆا، ۇكىمەتتىك ەمەس ۇيىمداردىڭ وكىلدەرى – «جانىم» قق پسيحولوگى رايسا جۋكوۆسكايا، «قايسار» قق باسشىسى وكسانا تارابۋكينا، «پوزيتيۆنوە رازۆي­تيە» جم باس­شى­سى وكسانا پا­نا­سي­دي، «قازاق­ستان رەسپۋبليكاسى دزيۋ­دو فەدەراتسياسى» قب-ءنىڭ پرەزي­دەن­تى دەنيس سۋسلوۆ، سونداي-اق تاعى دا بىرقاتار مەملەكەتتىك ۇيىمداردىڭ ماماندارى مەن وبلىستىڭ جەتەكشى پسيحولوگ­تەرى ءوز وي-پىكىرلەرىن ورتاعا سالدى.

بۇل تالقى­لاۋ­لاردىڭ اتا-انالار ءۇشىن بەرگەن پايداسى وتە مول بولدى دەپ سەنىممەن ايتۋعا بولادى. مىسالى، ولار بالالاردىڭ قاۋىپ­سىزدىگىن قامتاماسىز ەتۋ، ادام ساۋداسىنا جانە وندىرىستىك ەڭ­بەك­كە تارتىلۋدىڭ الدىن الۋ، بالانىڭ قۇقى­عىن قورعاۋ بويىنشا قۇندى كەڭەستەر الدى. بۇعان قوسا «ونەگەلى ءومىر»، «اجەمنىڭ ەرتەگىسى»، «اكەلەر مەكتەبى» اتتى جوبالارى اياسىندا بالا مەن اتا-انا اراسىندا­عى قارىم-قاتىناس، وتباسىلىق داستۇرلەر، وتباسىلىق وقۋدىڭ ءرولى، بالانىڭ كىتاپ وقۋ داعدى­سىن قالىپتاستىرۋ جانە باسقا دا سۇراقتار بويىنشا وتكەن تالقىلاۋلاردىڭ دا اكەلەر مەن انالار ءۇشىن بەرەرى وتە كوپ بول­عانى ءسوزسىز.

فورۋم جۇمىسى اياسىندا اسحات ابجانوۆ­تىڭ «باقىت­تى با­لانى قالاي تاربيەلەۋ كە­رەك؟» ترە­نينگىنە 300-گە جۋىق اتا-انا قاتىس­قا­نىن ايتا كەتكەن ءلازىم. سونداي-اق ە.مولدا­قاسىموۆ ۇسىن­­عان جاڭا ماماندىقتار اتلا­سى­نا دا قىزىعۋشىلىق تانىت­قان­دار دا وتە كوپ بولدى.

وبلىستىڭ ءار قيىرىنان ۇزىن-سانى 600-گە تامان اتا-انا قاتىسقان فورۋمدا جوعارى سىنىپ وقۋشىلارى مەن كوللەدج ستۋدەنتتەرى اراسىندا Dance City بي باتتلدارى، سپورتتىق ويىندار ۇيىمداستىرىلىپ، تۋ­ريستىك داعدىلارعا ۇيرەتۋ جانە العاشقى مەديتسينالىق كومەك كورسەتۋ بويىنشا تاجىريبەلىك نۇس­قامالار بەرىلدى.

ايتا كەتەتىن ءبىر جايت، بالا­لار جىلى اياسىندا Global city ساۋدا-ويىن-ساۋىق ورتالى­عى­نىڭ يەسى «بالالارعا جولداما سىيلا» چەللەند­جىن باستادى. سول ارقىلى قاراعاندى قالا­سى­­­نىڭ 20 وقۋشىسى اقمولا ­وبلى­سى­­­­ن­ىڭ ششۋچينسك قالاسىنداعى «ەدەل­ۆەيس» بالالار لاگەرىن­دە كا­سىپ­كەردىڭ ەسەبىنەن دەمالا­­دى. قازىردىڭ وزىندە بۇل باستاما­عا تەمىرتاۋ جانە قاراجال قالا­لارىنىڭ كاسىپ­كەر­لەرى قول­داۋ بىلدىرۋدە.

قاراعاندىداعى فورۋم جۇ­مى­سىنىڭ قورى­تىندىسىندا وسكە­­لەڭ ۇرپاقتى تاربيەلەۋگە قوس­قان ەرەكشە ۇلەسى ءۇشىن وبلىس اكىمىنىڭ ورىنباسارى ەربول الىقۇلوۆ 12 اتا-انانى «العىس حاتپەن» ماراپاتتادى.

 

قاراعاندى وبلىسى

سوڭعى جاڭالىقتار

كوروناۆيرۋس قايتا كۇشەيدى

كوروناۆيرۋس • بۇگىن، 23:07

ەڭبەكتىڭ ەركىنى

ايماقتار • بۇگىن، 23:02

بابا ءتىلىنىڭ باعاسىن بىلەيىك

احمەت بايتۇرسىن ۇلى • بۇگىن، 22:54

قۇس تۇماۋىنىڭ كەسىرى

قوعام • بۇگىن، 22:52

سۋدى قالاي ۇنەمدەۋگە بولادى؟

ەكولوگيا • بۇگىن، 22:51

جالعاسىن تاپقان ءداستۇر

ايماقتار • بۇگىن، 22:48

48 مىڭ جىل بۇرىنعى تىرشىلىك

تاريح • بۇگىن، 22:47

تولقىن شاشىپ شاپقان ات

ونەر • بۇگىن، 22:44

اۋىلدىڭ قىزى – الەم چەمپيونى

ايماقتار • بۇگىن، 22:38

استانا كۇنىنە ارنالدى

قوعام • بۇگىن، 22:35

ۇقساس جاڭالىقتار