سپورت • 24 مامىر، 2022

«كاسپي» كوش باستادى

14 رەت كورسەتىلدى

جەكسەنبىدە فۋتبولدان قازاقستان چەمپيوناتىنىڭ 12 تۋرى اياسىندا وتكەن تاعى ءۇش كەزدەسۋدى تاماشالادىق. بۇل باسەكەلەردىڭ بارلىعى دا الاڭ يەلەرىنىڭ پايداسىنا شەشىلدى.

بۇل كەزەڭدە كوپشىلىكتىڭ نازارى اقتاۋداعى ماتچقا اۋدى. سەبەبى «كاسپي» مەن «تاراز» ارا­سىنداعى ويىندا قاي كوماندا جەڭىسكە جەتسە، سول جارىس كەستەسىندە كوش باستايدى. بۇل باسەكەدە الاڭ يەلەرىنىڭ اسىعى الشىسىنان ءتۇستى – 2:1. ءبىر ايتا كەتەرلىگى، ءبىرىنشى تايم بەل ورتادان اۋعان تۇستا «تارازدىڭ» ەكى بىردەي ويىنشىسى الاڭنان قۋىلدى. نۇر-سۇل­تاندا پەترو­پاۆلدىڭ «قىزىلجارى» ورالدىڭ «اق­جايى­عىن» قابىلدادى. باسەكە باستالعان بەتتە داركو زوريچ ەسەپ اشسا، 79-مينۋتتا جيان مارتينس ەكىنشى گولدى سوقتى – 2:0. «توبىل» ءوز الاڭىندا «ماق­تاارالدى» قابىلدادى. العاش­قى تايمدا ەسەپ اشىلعان جوق. ەسەسىنە ۇزىلىستەن كەيىن ويىن مۇلدە باسقا سيپاتتا ءوربىدى. اينالدىرعان 45 مينۋت ارا­لىعىندا دوپ التى مارتە قاقپا تورىنان تابىلدى. قوستانايلىقتار قاتارىنان يگور سەرگەەۆ ءدۋبلدىڭ اۆتورى اتانسا، رۋبەن بريد­جيدو مەن سەرگەي مالىي ءبىر-ءبىر رەتتەن نىسانانى ءدال كوزدەدى. قوناقتار رۋسلان يۋدەنكوۆ پەن رامازان كارىموۆتىڭ گولدارىمەن جاۋاپ قايتاردى – 4:2.

وسى جەڭىسىنەن كەيىن 22 ۇپاي جيناعان «كاس­پي» جارىس كەستەسىندە كوش باستادى. ەكىنشى جانە ءۇشىنشى ورىندى يەلەنىپ وتىرعان «اس­تانا» مەن «تارازدىڭ» اقتاۋلىقتاردان ءبىر ۇپايلارى كەم.

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار