جاننا اسانوۆانىڭ ايتۋىنشا, كوميسسيا مۇشەلەرىنىڭ جالپى سانى 5 مىڭ. بۇگىندە ءتىزىم جاسالدى, 20 مامىرداعى جاعداي بويىنشا الماتى قالاسىنداعى رەفەرەندۋمدا داۋىس بەرەتىندەردىڭ سانى 1,1 ملن ادامعا جەتتى.
«20 مامىردان باستاپ ۋچاسكەلىك رەفەرەندۋم كوميسسيالارى حالىقپەن جۇمىس ىستەي باستادى. رەفەرەندۋمداعى ءوز ۋچاسكەڭىزدىڭ ءنومىرىن ءبىلۋ ءۇشىن بىرىڭعاي ساll ورتالىعىنا +7(727) 3384545 تەلەفونى بويىنشا حابارلاسىپ, سول جەردەن ءوز ءنومىرىڭىز بەن مەكەنجايدى بىلۋگە بولادى. سونىمەن قاتار Call-ورتالىق كۇن سايىن, ءۇزىلىسسىز جانە دەمالىس, داۋىس بەرەتىن كۇندەرى ساعات 8.00-دەن 20.00-گە دەيىن قوڭىراۋلاردى قابىلدايدى», دەدى ول.
سپيكەردىڭ سوزىنشە, داۋىس بەرۋگە ارنالعان ۋچاسكە تۋرالى اقپارات الۋ جونىندەگى فۋنكتسيونال open-almaty.kz سايتىندا جانە @ReferendumAlmaty2022Bot Telegram-بوتى ارقىلى قولجەتىمدى. ءوزىڭىزدى تىزىمدەردەن تابۋ جانە مالىمەت الۋ ءۇشىن جسن ءنومىرىن ەنگىزۋ قاجەت.
«ۋچاسكەلىك رەفەرەندۋم كوميسسيالارى شاقىرۋ قاعازدارىن تاراتۋ جانە اقپاراتتىق پلاكاتتاردى ورنالاستىرۋ ءۇشىن پاتەرلەردى جانە اۋلالاردى ارالاپ شىعۋدى ۇيىمداستىرادى. سونداي-اق رەفەرەندۋمنىڭ ءوز ۋچاسكەسىندە ءوزىڭىزدى تىزىمنەن تەكسەرۋگە جانە كونستيتۋتسياعا ۇسىنىلاتىن تۇزەتۋلەرگە قاتىستى اقپارات الۋعا بولادى», دەدى ول.
گۇلدانا ەلۋباي
