بەلگيا الەمدە تاراپ جاتقان جاڭا ىندەت - مايمىلشەشەك اۋرۋىنا شالدىققان ناۋقاستارعا ارنالعان مىندەتتى كارانتين ەنگىزگەن العاشقى ەل بولدى. بۇل تۋرالى ەل ۇكىمەتىنىڭ ءباسپاسوز قىزمەتى حابارلادى. كارانتين 21 كۇنگە سوزىلادى. ۇكىمەت بۇنداي شەشىمدى 22 مامىردا قابىلدادى.
ددۇ مالىمدەمەسىنە سايكەس, سوڭعى بىرنەشە اپتادا بەلگيا, فرانتسيا, گەرمانيا, يتاليا, پورتۋگاليا, يسپانيا, شۆەتسيا جانە ۇلىبريتانيادا مايمىلشەشەك اۋرۋى انىقتالعان. ەۋروپالىق ايماقتان تىس جەرلەردە اۆستراليادا, كانادادا جانە اقش-تا دا تىركەلگەن جاعدايلار بار.
ددۇ مالىمەتى بويىنشا, قازىر مايمىل شەشەك اۋرۋىنىڭ 92 جاعدايى راستالعان. ۇيىم وكىلدەرى تاعى 28 ادام كارانتين ايماعىندا ەكەنىن ايتتى.
