ازيانىڭ ەڭ ۇزدىك ۆەلوشاباندوزى دەپ تانىلعان جەرلەسىمىز ونداي قۇرمەتكە ابدەن لايىق. 29 جاستاعى سولتۇستىك قازاقستان وبلىسىنىڭ تۋماسى 2011 جىلدان بەرى «استانانىڭ» ساپىندا ونەر كورسەتۋدە. ول قازاقستان بىرىنشىلىگى مەن حاينان, الماتى, ومان تۋرلارىنىڭ بىرنەشە دۇركىن جەڭىمپازى. لۋتسەنكو 2017 جىلى «يسپانيا ۆۋەلتاسىنىڭ» كەزەڭدىك سايىسىندا توپ جاردى. ۇلتتىق كوماندامىزدىڭ ساپىندا 2014 جىلى ينچحون مەن 2018 جىلى جاكارتادا الاۋى تۇتانعان جازعى ازيا ويىندارىندا باس جۇلدەنى ولجالادى. 2017 جىلى باحرەيندە الەكسەي قۇرلىق چەمپيونى اتاندى. سونداي-اق UCI-ءدىڭ قۇرلىقتىق رەيتينگىندە قازاقستان قۇراماسى ءبىرىنشى ورىندى يەلەنسە, «استانا» كلۋبى ەكىنشى ورىندى ولجالادى.
ال «دجيرو د’يتاليا» كوپكۇندىگىنىڭ 14 كەزەڭى سايمون يەيتستىڭ (BikeExchange-Jayco) جەڭىسىمەن اياقتالدى. «استانانىڭ» ۆەلوشاباندوزدارى اراسىندا ەڭ ۇزدىك ناتيجە ءالى دە ۆيچەنتسو نيباليگە تيەسىلى. بۇل جولى ول مارەگە ءتورتىنشى بولىپ جەتتى. وسى ناتيجەسىنىڭ ارقاسىندا نيبالي جالپى ەسەپتە سەگىزىنشى ساتىعا كوتەرىلدى.
