قازاقستان • 20 مامىر، 2022

«قازاۆتوجول» شۇڭقىرلاردى جاڭا تەحنولوگيامەن جوندەيدى

25 رەت كورسەتىلدى

رەسپۋبليكالىق ماڭىزى بار كولىك جولدارىنىڭ ۇلتتىق وپەراتورى «قازاۆتوجول» ۇك» اق جاڭا تەحنولوگيالاردى سىناقتان وتكىزۋ جانە ەنگىزۋ بويىنشا جۇمىس جۇرگىزىپ جاتىر، دەپ حابارلايدى Egemen.kz.

بيىلعى جول-قۇرىلىس ماۋسىمى اياسىندا ر-2 «نۇر-سۇلتان - قورعالجىن» رەسپۋبليكالىق تاس جولىنىڭ ۋچاسكەسىندە جول جابىنىنداعى شۇڭقىرلاردى جوندەۋ كەزىندە ۆەنگريا وندىرگەن «RapidAszfalt» سۋىق اسفالت قوسپاسىن اپروباتسيالاۋ باستالدى. جاڭا تەحنولوگيانىڭ ارتىقشىلىعى - ونى قانداي دا ءبىر دايىندىق جۇمىستارىنسىز، قىزدىرماي-اق جانە قوسپالارسىز پايدالانا بەرۋگە بولادى.

سونداي-اق بۇل تەحنولوگيانى قولدانعان كەزدە اۋىر ارنايى تەحنيكانىڭ قاجەتى جوق، ياعني، قولمەن نىعىزداۋ جانە  ۆيبرو-ماشينا عانا جەتكىلىكتى. سۋىق قوسپا تەز قاتايادى، سونىڭ ارقاسىندا جوندەلگەن ايماقتى بىردەن ارى قاراي قولدانا بەرۋگە بولادى.

وندىرۋشىلەردىڭ اقپاراتىنا سايكەس «RapidAszfalt» تەحنولوگياسىن اۋا-رايى سۋىق بولعان كەزدە دە قولدانا بەرۋگە مۇمكىندىك بار. ول ءوز قاسيەتتەرىن -20°C-دان + 50°C-قا دەيىن ساقتايدى. اپروباتسيا ءساتتى وتكەن جاعدايدا اتالعان تەحنولوگيانى جول-قۇرىلىس سالاسىنا ەنگىزۋ جوسپارلانىپ وتىر.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار