رەفەرەندۋم-2022 • 20 مامىر، 2022

جاستار ءوز ۇلەسىن قوسادى

57 رەت كورسەتىلدى

قىزىلوردادا پارلامەنت ءماجىلىسىنىڭ دەپۋتاتى عالىم امىرەەۆ جاستارمەن كەزدەسىپ، الدا وتەتىن رەفەرەندۋمنىڭ ماڭىزى جايلى پىكىر الماستى. ساياسي ماڭىزى بار ناۋقانعا قاتىستى كەيىنگى تولقىن وكىلدەرىنىڭ ۇسىنىس-پىكىرلەرىن تىڭدادى.

Amanat پارتياسى قىزىلوردا قالالىق فيليالى ۇيىمداستىرعان كەزدەسۋدە عالىم ماحمۇتباي ۇلى كونستيتۋتسياعا ەنگىزىلىپ وتىرعان وزگەرىستەردىڭ ءمان-جايىن ءتۇسىندىردى. پرەزيدەنتتىك بيلىك، پارلامەنت پەن جەرگىلىكتى ءوزىن ءوزى باسقارۋ سالاسىنا دا زامانعا ساي وزگەرىس اكەلەتىن وسى قادام ەلىمىزدىڭ جاڭارۋىنىڭ نەگىزىنە اينالاتىنىنا توقتالدى.

– جەر جانە جەر قويناۋى، سۋ، وسىمدىكتەر مەن جانۋارلار دۇنيەسى، باسقا دا تابيعي رەسۋرستار حالىققا تيەسىلى ەكەنى جايىنداعى نورمانىڭ بەكىتىلۋى، سايلاۋ جۇيەسىندەگى وزگەرىستەر، وبلىستار، رەسپۋبليكالىق ماڭىزى بار قالالار مەن استانانىڭ اكىمدەرىن تاعايىن­داۋداعى جاڭالىقتار ەل باسقارۋ ىسىنە حالىقتىڭ قاتىسۋ مۇمكىندىگىن كەڭەيتە تۇسەدى. جاڭا كەزەڭگە قادام باسقان قوعام جاستارى ەل ومىرىندەگى وسىنداي ماڭىزدى ساتتەن سىرت قالمايدى دەگەن ويدامىز، – دەدى دەپۋتات.

كەزدەسۋدە پارتيانىڭ رەسپۋبليكالىق شتابى مۇشەسى بازار تانباەۆا، Amanat جاستار قاناتى قىزىلوردا وبلىستىق فيليالىنىڭ توراعاسى مەدەت جورابەك جاڭا قازاقستان قۇرۋداعى ماڭىزدى كەزەڭدە كەيىنگى تولقىننىڭ ۇلەسى كوپ بولۋى كەرەكتىگىن ايتىپ ءوتتى.

بەلسەندى جاستىڭ ءبىرى شەرنياز جالعاسبەك ۇلىنىڭ ايتۋىنشا، ءوز قاتارلارىنىڭ باستى قۇجاتتاعى وزگەرىس­تەرگە قىزىعۋشىلىعى جوعارى. ولار وزگەرىستى قالايدى جانە ادىلەتتى قوعام قۇرۋدىڭ باستى شارتى بولىپ وتىرعان نەگىزگى قۇجاتتاعى جاڭالىقتاردى جۇزەگە اسىرۋ­عا ءوز ۇلەستەرىن قوسۋعا دايىن.

 

قىزىلوردا

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار