– مەملەكەت باسشىسى قاسىم-جومارت توقاەۆ كونستيتۋتسياعا ەلدىڭ ساياسي جۇيەسىن تۇبەگەيلى وزگەرتەتىن تولىقتىرۋلار ەنگىزۋ تۋرالى باستاما كوتەردى. وسىلايشا, اتا زاڭنىڭ 33 بابىنا تۇزەتۋلەر ازىرلەندى, بۇل – ونىڭ ۇشتەن ءبىر بولىگىنە وزگەرىستەر مەن تۇزەتۋلەر ەنگىزىلەدى دەگەن ءسوز. ەندى كونستيتۋتسياعا وزگەرىستەر مەن تۇزەتۋلەر ەنگىزىلە مە, جوق پا, ونى حالىق, ياعني ونىڭ ىشىندە سىزدەر شەشەسىزدەر. مەملەكەت باسشىسىنىڭ نيەتى – «جاڭا قازاقستاندى» بىرگە قۇرۋ. كونستيتۋتسيانى جاڭارتۋ مىندەتى دە قوعامداعى سەنىمدى ارتتىرادى. جاڭارتىلعان كونستيتۋتسيا ءۇش ناقتى ماقساتقا باعىتتالىپ وتىر. ولار – زاڭنىڭ ۇستەمدىگى, دەموكراتيالىق ۇدەرىستەردى نىعايتۋ جانە بيلىكتىڭ ءبولىنىسى مەن تەپە-تەڭدىك تەتىگىن كۇشەيتۋ. ايتا كەتەرلىگى, ەكىنشى رەسپۋبليكانىڭ ەڭ ماڭىزدى قۇندىلىقتارى زاڭمەن, تارتىپپەن, ادىلدىكپەن بايلانىستى. كونستيتۋتسيا قوعامدىق قاتىناستارعا ناقتى اسەر ەتۋ ءرولىن اتقارۋى كەرەك. كەز كەلگەن قوعامدا ادىلەتسىزدىك ەكونوميكالىق تەڭسىزدىكتەن دە اۋىر قابىلدانادى. جالپى ەلىمىزدىڭ وركەندەۋى ءۇشىن زامان تالابىنا ساي جاڭا وزگەرىستەر قاجەت ەكەنى انىق, – دەدى باقىتجان جارماحان ۇلى.
جيىنعا قاتىسقان انالار اقپاراتتىق-ءتۇسىندىرۋ جۇمىستارىن جۇرگىزگەن قوعامدىق شتاب مۇشەسىنە العىس ءبىلدىردى. زاڭدىق كەڭەستىڭ, تولىققاندى ءتۇسىندىرۋ جۇمىستارىنىڭ قاجەتتىگى دە ايتىلدى. ەلىمىزدە وڭ وزگەرىستەردىڭ بولعانىن قالايتىنىن بىلدىرگەن انالار رەفەرەندۋمعا قاتىسىپ ءوز تاڭداۋلارىن جاسايتىنىن جەتكىزدى. «وزگەرىس وزىمىزگە كەرەك. كونستيتۋتسيامىزعا ەنگىزىلەتىن وزگەرىستەردى بەكىتۋ ءۇشىن وتەتىن رەفەرەندۋمنىڭ ءمانى مەن ماڭىزى وسىندا. ەلدەگى رەفورمالارعا قۇقىقتىق نەگىز بولاتىن وزگەرىستەر حالىق تالقىسىنا سالىنىپ وتىر. ەندەشە, ونى قولداپ, داۋىس بەرۋ – بىزگە جۇكتەلگەن جاۋاپكەرشىلىك. قازىردەن ەلدەگى بولىپ جاتقان وزگەرىستەردى دۇرىس سارالاپ, وي ءتۇيىپ, نەمقۇرايلىلىق تانىتپاۋىمىز قاجەت», دەيدى كوپبالى انا جانار سادىقوۆا.
سونداي-اق كەزدەسۋدە كوپبالالى انالار گاز, جول جانە پاتەر ساتىپ الۋ بويىنشا وزەكتى ماسەلەلەردىڭ شەشىلۋ جولدارى بويىنشا وي-پىكىرلەرىن, ءتيىستى سالا ماماندارىمەن بايلانىسۋعا قاتىستى ۇسىنىستارىن دا ايتتى.
تۇركىستان وبلىسى
