مەديتسينا • 18 مامىر، 2022

بيىل شاعىن اۋىلدارعا مەديتسينالىق قىزمەتكەر جىبەرىلەدى

39 رەت كورسەتىلدى

بيىل 50 ادامعا دەيىن تۇرعىنى بار اۋىلدار مەديتسينالىق قىزمەتكەرمەن قامتاماسىز ەتىلەدى. بۇل تۋرالى قر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى Egemen.kz.



«دەنساۋلىق ساقتاۋ جۇيەسىندەگى نەگىزگى بۋىن - مەديتسينالىق-سانيتاريالىق العاشقى كومەك. بۇل حالىققا كورسەتىلەتىن بارلىق مەديتسينالىق كومەكتى ۇيلەستىرۋگە ارنالعان قىزمەت كورسەتەتىن مەديتسينالىق ۇيىمدار. دۇنيەجۇزىلىك دەنساۋلىق ساقتاۋ ۇيىمىنىڭ كەڭەسى بويىنشا بارلىق حالىق الاتىن مەديتسينالىق قىزمەتتىڭ 80 پايىزى وسى مساك كورسەتەتىن ۇيىمداردان الىنۋى قاجەت.

كوروناۆيرۋس ينفەكتسياسىنىڭ پاندەمياسى وسى مەديتسينالىق-سانيتاريالىق العاشقى كومەك ۇيىمىنداعى ءالسىز جانە پروبلەمالىق جەرلەردى ايقىنداپ بەردى. مەملەكەت باسشىسىنىڭ تاپسىرماسى بويىنشا مەديتسينالىق العاشقى كومەكتى ۇيىمداستىرۋ تاسىلدەرىن تۇبەگەيلى قايتا قاراۋ ءۇشىن مەديتسينالىق-سانيتاريالىق العاشقى كومەكتىڭ ساپاسىن جانە حالىقتىڭ قالىڭ توبىنىڭ، ونىڭ ىشىندە اۋىلدىق جەرلەردە تۇراتىن ادامدارعا قولجەتىمدىلىگىن جاقسارتۋ جونىندەگى ءىس-شارالار جوسپارى بەكىتىلدى. جۇيەلى جۇمىستار باستالىپ كەتتى»، دەدى مينيستر ورتالىق كوممۋنيكاتسيالار قىزمەتىندە ءوتىپ جاتقان ءباسپاسوز ءماسليحاتىندا.

ەلىمىزدىڭ باس دارىگەرىنىڭ اتاپ وتۋىنشە، دەنساۋلىق ساقتاۋ ۇيىمدارى جەلىسىنىڭ مەملەكەتتىك ءنورماتيۆىن جەتىلدىرۋ بويىنشا ءىس-شارالار جۇرگىزىلەدى. ونىڭ ىشىندە، 50 ادامعا دەيىن تۇرعىنى بار اۋىلدى مەديتسينالىق قىزمەتكەرمەن قامتاماسىز ەتۋ جوسپارلانىپ وتىر. ول بيىلدان باستاپ جۇزەگە اسىرىلادى.

«سونىمەن قاتار اۋىلدىق ەلدى مەكەندەردە: 50 ادامنان 500 ادامعا دەيىن مەديتسينالىق پۋنكتتەر; 500 ادامنان 1500 ادامعا دەيىن فەلدشەرلى-اكۋشەرلىك پۋنكتتەر; 1500 ادامنان باستاپ دارىگەرلىك امبۋلاتوريانى قۇرۋ قاراستىرىلعان»، دەدى اجار عينيات.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار