وزگەرىستەردىڭ ءمان-جايى ءتۇسىندىرىلدى

سەنات دەپۋتاتتارى ءالي بەكتاەۆ پەن ءالىمجان قۇرتاەۆ تۇركىستان وبلىسى سايرام اۋدانىنىڭ تۇرعىندارىمەن كەز­دەستى. تۇرعىندارمەن، قوعامدىق ۇيىم وكىلدەرىمەن جانە اۋداندىق ءماسلي­حات دەپۋتاتتارىمەن كەزدەسۋدە ءالي بەك­تاەۆ كونستيتۋتسيالىق رەفورماعا توقتا­لىپ، ونىڭ ەل بولاشاعىن ايقىنداۋ­داعى ماڭىزىنا توقتالدى. سەناتور ءالىم­جان قۇرتاەۆ ءوز كەزەگىندە جيىنعا قاتىسۋ­شى­لاردىڭ ساۋالدارىنا جاۋاپ بەرە وتىرىپ، ءبىلىم سالاسىن قارجىلاندىرۋ، تۇرعىن ءۇي باعدارلاماسى جانە ينفراقۇرىلىمدىق جۇيەلەردى جەتىلدىرۋ ماسەلەلەرىنە توقتالدى.

ال الماتىداعى كاسىبي زاڭ كونسۋلتانتتارى پالاتاسىنىڭ وكىلدەرىمەن كەزدەسكەن سەنات دەپۋتاتى قاناتبەك سافينوۆ جيىنعا قاتىسۋشىلارمەن بىرگە كونستيتۋتسياعا ۇسىنىلىپ وتىر­عان تولىقتىرۋلاردى تالقىلادى. رەس­پۋب­ليكالىق رەفەرەندۋمنىڭ ماڭىزدىلىعىن اتاپ وتكەن سەنات دەپۋتاتى سەرگەي ەرشوۆ «قازاقمىس كورپوراتسياسى» جشس-ءنىڭ الماتى قالاسىندا ورنالاسقان فيليالدارىنىڭ بىرىندە بولدى. سەناتور وسىنداعى فيليالدىڭ اكىمشىلىك-باسقارۋ قىزمەتكەرلەرىمەن كەزدەستى.

سەناتورلار نۇرتورە ءجۇسىپ پەن دينار نوكەتاەۆا قوناەۆ قالاسىنىڭ تۇر­عىندارىمەن كەزدەسىپ، وبلىس ورتالىعىن قايتا اتاۋعا ارنالعان سالتاناتتى ءىس-شاراعا قاتىستى. سەناتورلار سون­داي-اق الداعى رەفەرەندۋمدى جانە كونس­تي­تۋتسيالىق رەفورمانىڭ نەگىزگى باعىتتارىن تالقىلادى.

سەنات دەپۋتاتتارى باقىتجان جۇما­عۇلوۆ پەن ناريمان تورەعاليەۆ قىزىلوردا وبلىسىنداعى قورقىت اتا اتىنداعى ۋنيۆەرسيتەتتە بولدى. سەناتورلار جوعارى وقۋ ورنىنىڭ باسشىلىعىمەن وتاندىق ءبىلىم بەرۋ سالاسىنداعى وزەكتى ماسەلەلەردى تالقىلادى.

سەنات دەپۋتاتى ساعىندىق لۇقپانوۆ جۇمىس ساپارىمەن اتىراۋ وبلىسىندا بولدى. جوعارى جانە ورتا وقۋ ورىندا­رىندا بولعان سەناتور ولاردىڭ جۇمى­سىمەن تانىسىپ، جاڭا وقۋ اۋديتوريالا­رىن ارالاپ كوردى، سونداي-اق وقۋ ورىن­دارى­نىڭ وقىتۋشىلار قۇرامىمەن جانە ستۋ­دەنت­تەرىمەن بىرقاتار كەزدەسۋلەر وتكىزدى.

سەنات دەپۋتاتى باۋىرجان قانيەۆ اقتوبە وبلىسىنداعى ايتەكە بي جانە حرومتاۋ اۋداندارىنىڭ تۇرعىندارىمەن كەزدەستى. اۋرۋحانالار، كوللەدجدەر، كى­تاپ­حانالار مەن مۋزىكالىق مەكتەپ­تەر­دىڭ جانە باسقا دا الەۋمەتتىك نىسان­داردىڭ ۇجىمدارىمەن جۇزدەسۋدەگى تا­ل­قىلاۋدىڭ نەگىزگى تاقىرىبى – ەل كونس­تيتۋتسياسىنا الداعى وزگەرىستەر، سونداي-اق بۇكىلحالىقتىق رەفەرەندۋم وتكىزۋ ماسەلەلەرى بولدى.

سەنات دەپۋتاتى ەرىك سۇلتانوۆ سول­تۇستىك قازاقستان وبلىسىنىڭ تايىنشا جانە اققايىڭ اۋداندارىنداعى اۋىل تۇر­عىندارىمەن كەزدەستى. دەپۋتات كەللەروۆكا اۋىلىنىڭ دارىگەرلەرىمەن جانە ۇستازدارىمەن كەزدەسۋدە ەلىمىزدىڭ كونستيتۋتسياسىنا ەنگىزىلەتىن وزگەرتۋلەر مەن تولىقتىرۋلار تۋرالى جان-جاقتى ايتىپ بەردى. ول سونداي-اق الداعى كونستيتۋتسيالىق رەفورما پرەزيدەنتتىڭ ناۋرىز ايىنداعى قازاقستان حالقىنا جولداۋىندا بەلگىلەنگەن ساياسي رەفورمالار باعدارلاماسىن جۇزەگە اسىرۋداعى باستى قادام ەكەنىن اتاپ ءوتتى.

سەنات دەپۋتاتى نۇرلان بەكنازاروۆ شىمكەنت قالاسىنا ساپارى بارىسىندا مەگاپوليستەگى قاراتاۋ اۋدانىنىڭ تۇرعىندارىمەن جانە اكىمىمەن كەزدەستى. سەناتور كەزدەسۋدە قاراتاۋ اۋدانىنا جاڭادان قوسىلعان ەلدى مەكەندەردە تۇراتىن ازاماتتاردىڭ وتىنىشتەرىن قارادى. دەپۋتات قايناربۇلاق ەلدى مەكە­نىندەگى ەلەكتر جەلىلەرىن جۇرگىزۋ، گازبەن جابدىقتاۋ، تۇرعىن ۇيلەردى جارىق­تاندىرۋ جۇمىستارىنىڭ بارىسىمەن تانىستى.

سەنات دەپۋتاتى دۇيسەنعازى مۋسين شىعىس قازاقستان وبلىسىنىڭ اۋداندارىندا بولدى. سەناتور بىرقاتار الەۋمەتتىك نىسانداردى ارالاپ، حالىقپەن كەزدەسۋلەر وتكىزدى. دەپۋتات سونىمەن قاتار بورودۋليحا اۋدانىنىڭ ورتالىعىندا سالىنىپ جاتقان سپورتتىق-ساۋىقتىرۋ كەشەنىنە، ەمحانانىڭ كۇردەلى جوندەلگەن بولىمشەلەرىندە بولىپ، اتقارىلىپ جاتقان جۇمىستارمەن تانىستى جانە ورتالىق ەمحانا ۇجىمىمەن كەزدەستى.

سەنات دەپۋتاتى ولگا بۋلاۆكينا وڭىرگە جۇمىس ساپارى اياسىندا امان­جولوۆ اتىنداعى ۋنيۆەرسيتەتتىڭ وقىتۋ­شى­لارىمەن جانە ستۋدەنتتەرىمەن كەزدەس­تى. قازاقستان رەسپۋبليكاسىنىڭ كونستي­تۋ­تسياسىنا وزگەرىستەر ەنگىزۋ جونىندەگى رەفەرەندۋم وتكىزۋ تالقىلاۋدىڭ نەگىزگى تاقىرىبى بولدى.

سەنات دەپۋتاتى سۇلتان دۇيسەمبينوۆ الماتى وبلىسى ەسكەلدى اۋدانىنىڭ تۇرعىندارىمەن، اۋداندىق ءماسليحات دەپۋتاتتارىمەن جانە مەكەمە باسشىلارىمەن كەزدەستى. سەناتور جۇزدەسۋ بارىسىندا جەرلەستەرىنە كونستيتۋتسيالىق رەفورمانىڭ نەگىزگى باعىتتارى تۋرالى جان-جاقتى ءتۇسىندىرىپ، ماڭىزدى دەگەن سۇراقتارعا جاۋاپ بەردى.

قاراساي اۋداندىق اۋرۋحاناسىنىڭ قىزمەتكەرلەرىمەن كەزدەسكەن سەنات دەپۋ­تاتى جانبولات جورگەنباەۆ جۇزدەسۋ بارى­سىندا كونستيتۋتسياعا ەنگىزىلەتىن ءارى ەلىمىزدىڭ قازىرگى كەزدەگى ساياسي جۇيەسىن وزگەرتۋدى كوزدەيتىن وزگەرىستەر مەن تولىقتىرۋلار تۋرالى ايتتى. ال سەنات دەپۋتاتى ءابدالى نۇراليەۆ قور­داي اۋدانىنىڭ بىرقاتار اۋىلىن ارالاپ، قۇرىلىس الاڭدارىندا بولدى. ءوڭىر تۇر­عىندارىمەن كەزدەسكەن دە­پۋتات كەزدەسۋ بارىسىندا جەرلەستەرى­مەن الداعى كونستيتۋتسيالىق رەفورما جانە 2022 جىلعى 5 ماۋسىمدا وتەتىن رەس­پۋب­ليكالىق رەفەرەندۋمعا شىعارىلاتىن ماسەلەلەردى ەگجەي-تەگجەي تالقىلادى.

سەنات دەپۋتاتى اندرەي لۋكين نۇر-سۇلتان قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىلىعىمەن جانە قىزمەتكەرلەرىمەن كەز­دەستى. دەپۋتات كەزدەسۋ بارىسىندا باسقارمانىڭ قىزمەتى مەن ماتەريالدىق جابدىقتالۋى بارىسىن زەردەلەدى. مەكەمە باسشىلىعى دەپۋتاتتى جۇرگىزىلىپ جاتقان جۇمىس تۋرالى، ونىڭ ىشىندە نۇر-سۇلتان قالاسىنىڭ حالقىن جۇمىسپەن قامتۋ سالاسىنداعى مەملەكەتتىك ساياساتتى ىسكە اسىرۋ بارىسى تۋرالى حاباردار ەتتى.

سەناتور سونداي-اق قالالىق «iKOMEK109» مونيتورينگ جانە جەدەل ارەكەت ەتۋ ورتالىعىندا دا بولدى.