بۇگىن ساعات 17:40 شاماسىندا قۇتقارۋ قىزمەتىنە كۋاگەرلەر حابارلاسىپ, اقتاۋ قالاسىنىڭ 4-مولتەكاۋدانىندا, شومىلۋعا رۇقسات ەتىلمەگەن جەردە ءتورت ادامنىڭ كاسپي تەڭىزىنە باتىپ بارا جاتقانىن جەتكىزگەن.
ونىڭ بىرەۋى ءوز كۇشىمەن سۋدان شىعىپ ۇلگەرگەن. قالعان ءۇش ادامدى قۇتقارىپ قالۋ مۇمكىن بولماعان.
«قۇتقارۋ جۇمىسىنا قولايسىز اۋا رايى كەدەرگى بولدى. كۇشتى جەلدەن تەڭىز بەتىندە ۇلكەن تولقىندار كوتەرىلدى. سوندىقتان قازىر ىزدەۋ جۇمىسى تەك تەڭىز جاعالاۋىندا جۇرگىزىلىپ جاتىر», دەدى ازاماتتىق قورعاۋ باسقارماسىنىڭ باستىعى سايات باتتالوۆ.
قۇتقارۋشىلار سۋعا تۇسۋگە ارنالماعان جەردە شومىلۋعا بولمايتىنىن ەسكە سالادى.
