سپورت • 16 مامىر، 2022

«اكۋلا» مانسابىن اياقتايدى

29 رەت كورسەتىلدى

بۇل كۇندەرى اپەننين تۇبەگىندە «دجيرو د’يتاليا» كوپكۇندىگى ءوتىپ جاتقانى بەلگىلى. كاتانيا مەن مەسسينا ارالىعىن جالعاعان بەسىنشى كەزەڭ مارەگە جەتكەن بەتتە «استانا» كلۋبىنىڭ ساپىندا ونەر كورسەتىپ جۇرگەن يتاليانىڭ ايگىلى ۆەلوشاباندوزى ۆينچەنتسو نيبالي بيىل ءوزىنىڭ سپورتتىق مانسابىن اياقتايتىنىن كوپشىلىك الدىندا جاريا ەتتى.

باق وكىلدەرىنە سۇحبات بەرگەن نيبالي: «مەن مەسسيناعا جەت­كەن بەتتە ءوزىمنىڭ وتباسىم، تۋعان-تۋىستارىم جانە جو­را-جولداستارىمدى جيناپ الىپ، جوعارىداعىداي شەشىم قابىل­داعانىم جايىندا ايتتىم. ءيا، سپورت سالاسىندا ءبىراز بەلەس­تەردى باعىندىرعانىم راس. سول ءۇشىن دە جاراتۋشىمىزعا مىڭ دا ءبىر العىس. ءار كەزدەرى قول­داۋ كورسەتكەن باپكەرلەرىم مەن كو­ماندالىق ارىپتەستەرىمە جانە جان­كۇيەرلەرىمە دە زور ريزا­شى­لىعىمدى بىلدىرەمىن. ءيا، كەزىندە «جارىس، جارىس» دەپ ءجۇ­رىپ، وتباسىما دۇرىس كوڭىل دە اۋدا­را الماعان ەدىم. ەندى سول ول­قىلىقتىڭ ورنىن تولتىرۋىم قاجەت»، دەپ اعىنان جارىلدى.

ۇلكەن سپورتپەن قوش ايتىسۋىن جاريا ەتۋ ءۇشىن داڭق­تى سپورتشىنىڭ ءدال وسى مەسسي­نانى تاڭداپ الۋى بەكەر ەمەس. ۆينچەنتسو 1984 جىلدىڭ 14 قارا­شاسىندا اپەننين تۇبەگى مەن سيتسيليا ارالىنىڭ توعىسقان تۇسىندا ورنالاسقان شاعىن شا­ھاردا دۇنيەگە كەلدى. بوزبالا شاعىنان ۆەلوسپورتتى سەرىك ەتكەن ول كوپتەگەن بيىك بەلەستى باعىندىردى. 2005 جىلى «Fassa Bortolo» كلۋبىنىڭ جەيدەسىن كيىپ، كاسىپقويلار اراسىندا باق سىناي باستادى. كەيىننەن باسقا دا بەلدى كوماندالاردىڭ نامىسىن قورعادى. 2013-2016 جىلدارى «استانانىڭ» ساپىندا ونەر كورسەتتى. ول كەزدە دە ۆينچەنتسو دارا تالانتىمەن وقشاۋلاندى. كەيىننەن اقش پەن باحرەينگە كەتتى. ال بىلتىر ول قازاقستانعا قايتا ورالدى. ءبىر سوزبەن ايت­ساق، حالىقارالىق ارەنادا «استا­نانىڭ» ابىرويىنىڭ ارتۋىنا ءنيباليدىڭ سىڭىرگەن ەڭ­بەگى ايتارلىقتاي.

يتاليالىق ۆەلوشابان­دوز­دىڭ ەڭ زور تابىستارىنا توق­تالساق، ول 2010 جىلى «يس­پانيا ۆۋەل­تاسى»، 2012 مەن 2013 جىلدارى «تير­رەنو-ادريا­تيكو» 2014 جىلى «تۋر دە فرانس»، 2013 پەن 2016 جىل­دا­رى «دجيرو د’يتا­ليا»، 2015 پەن 2017 جىل­دارى «دجي­رو دي لومبارديا»، 2019 جىلى «مي­­لان-سان-رەمو» جانە تاعى باس­قا كوپتەگەن ءدۇبىرلى دودا­­نىڭ جە­ڭىمپازى اتاندى. داڭقتى سپورت­­شىنىڭ ونەرىنە سۇيسىنگەن جەر-جاھاننىڭ جانكۇيەرلەرى ونى «اكۋ­لا» دەپ اتاپ كەتتى. وسى­­لايشا، قازىرگى كەزدە «استا­نانىڭ» نامىسىن قور­عاپ جۇرگەن 37 جاس­تاعى ۆينچەنتسو ني­بالي بيىل ءوزىنىڭ سپورتتىق مانسابىن اياق­تاۋعا بەكىنىپ وتىر.

بۇل شەشىمگە كەلۋىنە ونىڭ وسى گراند-تۋر بارىسىندا كۇش-جىگەرىنىڭ سارقىلا باستاعانىن ناقتى سەزىنۋى دە سەبەپ بولعانى كۇمانسىز.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار