كەزدەسۋ بارىسىندا دەپۋتاتتار رەفەرەندۋم جايلى تۇسىنىكتەمە بەرىپ, جۇمىسشىلاردىڭ مۇڭ-مۇقتاجىن جانە لەبىزىن تىڭدادى. جيىندا رەفەرەندۋمعا قاتىستى تىڭ ويلار ايتىلىپ, دەپۋتاتتار جاڭا قازاقستاندى بىرگە قۇرۋعا شاقىردى.
ءماجىلىس دەپۋتاتى دينارا زاكيەۆا كوپبالالى انانىڭ الەۋمەتتىك جاعدايىنا بايلانىستى سۇراعىنا جاۋاپ بەرىپ, الداعى ۋاقىتتا ماسەلەنىڭ شەشىلۋىن ءوز باقىلاۋىنا الاتىنىن مالىمدەدى.
باسقوسۋ كەزىندە دەپۋتاتتار جالپىحالىقتىق رەفەرەندۋمنىڭ ماڭىزىنا توقتالىپ, ەڭبەك ۇجىمىنا داۋىس بەرۋدىڭ ەرەجەلەرى مەن شارتتارىن ءتۇسىندىردى. كەزدەسۋدە قاتىسۋشىلاردىڭ سۇراعىنا ناقتى جاۋاپ بەرگەن ءماجىلىس دەپۋتاتتارى ءار باپتىڭ وزگەرىسىنە جەكە-جەكە توقتالدى. اتاپ ايتقاندا, سۋپەرپرەزيدەنتتىك باسقارۋ فورماسىنان تۇپكىلىكتى باس تارتۋ, پرەزيدەنت تۋىستارىنىڭ كۆازيمەملەكەتتىك سەكتور مەن مەملەكەتتىك قىزمەتتە باسشىلىققا تاعايىندالمايتىندىعى جونىندەگى وزگەرتۋلەرگە كەڭىنەن تۇسىنىكتەمە بەردى.
- جەر جانە جەر قويناۋى – حالىقتىڭ مەنشىگى;
- ء«ولىم جازاسىنا» تىيىم سالۋ;
- پرەزيدەنت جانە سۋديالار, سايلاۋ كوميسسياسىنىڭ وكىلدەرى, اسكەري جانە ۇلتتىق قاۋىپسىزدىك قىزمەتشىلەرى ەشقانداي پارتيانىڭ, قوعامدىق بىرلەستىكتەردىڭ مۇشەلىگىندە بولماۋعا ءتيىس.
سونىمەن قاتار شارادا دەپۋتاتتارمەن اتا زاڭعا وزگەرىستەر مەن تولىقتىرۋلار ەنگىزۋ جونىندەگى رەسپۋبليكالىق رەفەرەندۋمدى قولداۋعا قاتىستى سالماقتى دالەلدەر مەن شىنايى سەبەپتەر ايتىلدى.
ۇيىم قىزمەتكەرلەرىنىڭ جىلى شىرايى مەن ەل تاعدىرىن ايقىندايتىن وسىناۋ ماڭىزدى كەزەڭدە بەلسەندىلىك تانىتۋى قىزمەتكەرلەردىڭ ازاماتتىق ۇستانىمىنىڭ دۇرىستىعىن دالەلدەيدى.
شارا سوڭىندا ارنايى قاعازعا ۇسىنىستار مەن تالاپ-تىلەكتەر جازىلدى.
ماسەلەنىڭ باسىم بولىگى باسپانا, زەينەت جاسىن ازايتۋ جانە جالاقى مولشەرىنىڭ ازدىعى بولدى.
كەزدەسۋ سوڭىندا ۇيىم قىزمەتكەرلەرى دەپۋتاتتارعا ءوز ىقىلىستارىن ءبىلدىرىپ, جالپىۇلتتىق رەفەرەندۋم وتكىزۋ باستاماسىن قولدايتىنىن جانە جاڭا قازاقستان قۇرۋ جولىندا مەملەكەتكە ۇلكەن سەنىم ارتاتىنىن جەتكىزدى.
