ايماقتار • 13 مامىر، 2022

ەرەجە بۇزعان كولىكتەن ەسىرتكى شىقتى

25 رەت كورسەتىلدى

7 مامىر كۇنى ساعات 21:15 شاماسىندا قىزىلوردا وبلىسى پوليتسيا دەپارتامەنتىنىڭ پاترۋلدىك پوليتسيا روتاسى قىزمەتكەرلەرى تاسبوگەت كەنتى تۇسىنان جول ەرەجەسىن بۇزعان ارال اۋدانىنىڭ 57 جاستاعى تۇرعىنىنىڭ باسقارۋىنداعى «Lada-Kalina» اۆتوكولىگىن  توقتاتقان، دەپ جازادى Egemen.kz.

تەكسەرۋ بارىسىندا جولاۋشىدان گازەت قيىندىسىنا ورالعان ءشوپ ۇنتاقتارى تاركىلەنىپ، ساراپتاماعا جولداندى. ساراپتاما ونىڭ كەپتىرىلگەن ماريحۋانا ەكەنىن انىقتاعان. سونىمەن قاتار كۇدىكتى ءۇيىنىڭ اۋلاسىندا 5 ءتۇپ سورانى ەگىپ، باپتاعانى دا بەلگىلى بولىپ وتىر.

اتالعان دەرەكتەر بويىنشا قازاقستان رەسپۋبليكاسى قىلمىستىق كودەكسىنىڭ 296-بابى 2-بولىگىمەن (ەسiرتكi، پسيحوتروپتىق زاتتاردى، سول تەكتەستەردى وتكىزۋ ماقساتىنسىز زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ) جانە 300-بابىنىڭ 1-بولىگىمەن (وسiرۋگە تىيىم سالىنعان وسiمدiكتەردi ەگۋ نەمەسە ءوسiرۋ نەمەسە سورانىڭ، كوكناردiڭ نەمەسە قۇرامىندا ەسiرتكi زاتتار بار باسقا دا وسiمدiكتەردiڭ سۇرىپتارىن ەگىپ-ءوسىرۋ) سوتقا دەيىنگى تەرگەپ-تەكسەرۋ جۇرگىزىلۋدە.  

سوڭعى جاڭالىقتار

ۇقساس جاڭالىقتار