العاشقى اينالىمدا رەسەيلىك ەلينا اۆانەسياننان ايلاسىن اسىرعان قازاستاندىقتىڭ كەلەسى كۇنى اقش-تىڭ وكىلى لورەن دەۆيسپەن شەبەرلىك بايقاستى. جەرلەسىمىزگە WTA تىزىمىندە 89-ورىندا تۇرعان 26 جاستاعى تەننيسشىنى ۇتۋ اسا قيىندىق تۋعىزعان جوق. ەكى سەتتىك سايىس 6:4, 6:3 ەسەبىمەن ەلەنانىڭ پايداسىنا شەشىلدى. ال يۋليا پۋتينتسەۆا تىم مىقتى قارسىلاسقا تاپ بولدى. 28 جاستاعى گاربينە مۋگۋرۋسا كەزىندە الەمدىك رەيتينگتە كوش باستاپ, «رولان گارروس» پەن «ۋيمبولدوننىڭ» جەڭىمپازى اتاندى. اۋستراليانىڭ اشىق بىرىنشىلىگىنىڭ فينالىندا وينادى. قازىرگى كەزدە ول ۇزدىكتەر تىزىمىندە 10-ورىندى يەلەنۋدە. وسىنداي مىقتى ويىنشىمەن يۋليا ەش ايانباي ايقاستى. ءبىرىنشى سەت گاربينەنىڭ پايداسىنا شەشىلدى – 6:3. ەكىنشى سەت تاي-برەيككە دەيىن ۇلاسىپ, بۇل جولى جەرلەسىمىز جەڭىسكە جەتتى – 7:6. شەشۋشى كەزەڭدە پۋتينتسەۆا شەبەرلىكتىڭ شىنايى ۇلگىسىن كورسەتىپ, ايگىلى قارسىلاسىن ويسىراتا ۇتتى – 6:1. بۇل باسەكە 2 ساعات 17 مينۋتقا سوزىلدى.
ءۇشىنشى اينالىمدا ەلەنا رىباكينا شۆەيتساريالىق حيل بەلەن تايحمانمەن شەبەرلىك بايقاسسا, پۋتينتسەۆا تۋنيستىك ونس جابەرمەن كۇش سىناسادى.
