ەرلىگىمەن جۇرت نازارىن وزىنە اۋدارعان جىگىتتىڭ اكە-شەشەسى قىزىلوردا وبلىسى جالاعاش اۋدانى اققۇم اۋىلىندا تۇرادى. جالاعاش اۋدانى اكىمىنىڭ ورىنباسارى جاسۇلان ەسپەنبەت, اۋداندىق توتەنشە جاعدايلار ءبولىمىنىڭ باسشىسى ەربولات سەرمانوۆ اققۇم اۋىلىنا ارنايى باردى. ولار باتىر جىگىتتىڭ اكەسى سەرىك سابىر ۇلى مەن اناسى گۇلبارشىن پىرىمبەتوۆاعا العىس ايتىپ, وسىنداي ەرجۇرەك ازاماتتى تاربيەلەپ وسىرگەنى ءۇشىن اۋدان اكىمىنىڭ العىس حاتىن تابىستادى.
ەسكە سالا كەتەيىك, كەشە ەلوردادا سەگىزىنشى قاباتتان قۇلاعالى تۇرعان ءبۇلدىرشىن قۇتقارىلدى. توتەنشە جاعدايلار مينيسترلىگى سابيت شونتاقباەۆتى ءسوزسىز ەرلىگى ءۇشىن ماراپاتتادى. سونداي-اق وعان ەلوردادان ءۇش بولمەلى پاتەر بەرىلدى.
