اۆولا مەن ەتنا وڭىرلەرى ارالىعىن جالعاعان 172 شاقىرىمدىق تاۋلى كەزەڭدى 4 ساعات 32 مينۋت 11 سەكۋندتا ءجۇرىپ وتكەن 25 جاستاعى نەمىس ۆەلوشاباندوزى لەننارد كامنا («BORA – hansgrohe») مارە سىزىعىن ءبىرىنشى بولىپ قيسا, ەكىنشى جانە ءۇشىنشى ورىنداردى يسپانيالىق حۋان پەدرو لوپەس («Trek – Segafredo») پەن ەستونيالىق رەين تاارامياە («Intermarchە - Wanty - Gobert Matەriaux») يەلەندى. ءدال وسى سپورتشىلار جالپى ەسەپتە دە كوش باسىندا ۇزەڭگى قاعىستىرىپ كەلەدى. اتاپ ايتساق, 24 جاستاعى پيرەنەي تۇبەگىنىڭ تۇلەگى لوپەس اعارىپ الدان كورىندى. كامنا ەكىنشى ورىنعا كوتەرىلسە, تاارامياە ءۇشىنشى ساتىعا جايعاستى.
وكىنىشكە قاراي, ەسكى جاراقاتىنىڭ سىر بەرۋى سالدارىنان «استانا» كلۋبى سەركەلەرىنىڭ ءبىرى ميگەل انحەل لوپەس ءتورتىنشى كەزەڭدە جارىس جولىنان شىعىپ قالدى.
