ەلوردا • 11 مامىر، 2022

ەلوردادا سەگىزىنشى قاباتتان قۇلاعالى تۇرعان ءبۇلدىرشىن قۇتقارىلدى

124 رەت كورسەتىلدى

نۇر-سۇلتان قالاسىنىڭ تۇرعىنى سەگىزىنشى قاباتتىڭ تەرەزەسىندە ءىلىنىپ جازداعان كىشكەنتاي قىزدى قۇتقاردى، دەپ حابارلايدى Egemen.kz.

«11 مامىردا ساعات 10:21-دە ۇلى دالا كوشەسى بويىندا ورنالاسقان كوپقاباتتى ءۇيدىڭ سەگىزىنشى قاباتىندا بالا ءىلىنىپ تۇرعانى تۋرالى حابارلاما ءتۇستى. شاقىرتۋ ورنىنا جەدەل تۇردە نۇر-سۇلتان قالاسى تجد بولىمشەلەرى جىبەرىلدى. وقيعا ورنىنا قۇتقارۋشىلار جەتكەنشە بالكوننىڭ ەرنەۋىنە ىلىنگەن بالانى تومەندەگى قاباتتا تۇراتىن ەر ادام قۇتقارىپ العان»، دەپ حابارلادى توتەنشە جاعدايلار دەپارتامەنتىنىڭ ءباسپاسوز قىزمەتى.

وقيعا بولعان كەزدە 2019 جىلى تۋعان قىزدىڭ اتا-اناسى ۇيدە بولعان، بىراق ءدال سول ساتتە بالانىڭ بالكوندا جۇرگەنىن ەشكىم بايقاماي قالعان. جەتىنشى قاباتتا تۇراتىن ءسابيت شونتاقباەۆ جىلاپ تۇرعان بالانى كورىپ، ويلانباستان قۇتقارۋ بويىنشا ءىس-قيمىل جاساپ، ساناۋلى سەكۋندتاردا قىزدى قۇتقارىپ العان.

ء«سابيت شونتاقباەۆ باتىلدىعى ءۇشىن ماراپاتقا ۇسىنىلادى»، دەپ حابارلادى ەلوردالىق تجد.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار