وسىلايشا, ايدىڭ, كۇننىڭ امانىندا 12 ءۇي بىردەي ورتەنىپ, وندا تۇرىپ جاتقان 13 وتباسى باسپاناسىز قالدى. بۇل وتباسىلارىندا كامەلەت جاسقا تولماعان 13 بالا بار. مۇنىڭ سىرتىندا, ءورت ءۇش جەڭىل كولىكتى, ءبىر جۇك كولىگىن, ءبىرتالاي جەكە شارۋاشىلىق عيماراتتارىن جوق قىلدى. الاپات ءورت قالالىق اۋقىمداعى توتەنشە جاعداي رەتىندە تىركەلدى.
9 مامىر كۇنى ءۇيسىز قالعان 5 ادام قالاداعى «دوستىق» پروفيلاكتوريىنە ورنالاستىرىلىپ, قالعاندارى تۋىستارىنىڭ ءۇيىن پانالادى. ال 10 مامىردا تاڭەرتەڭ قالا اكىمى مارات جۇندىباەۆ ءۇيى ورتەنگەن تۇرعىندارمەن كەزدەستى. كەزدەسۋگە وبلىس اكىمىنىڭ ءۇش ورىنباسارى قاتىستى.
قالا اكىمدىگىنىڭ مالىمدەۋىنشە, وسى كۇنى ءورت جويعان ءۇي-م ۇلىكتىڭ قۇنىن انىقتايتىن كوميسسيا قۇرىلعان. كوميسسيا جۇمىسىنا تاۋەلسىز ساراپشىلار دا تارتىلىپ وتىر. ءار وتباسىنا 200 مىڭ تەڭگەدەن العاشقى قارجىلاي كومەك كورسەتىلدى. مۇنىڭ سىرتىندا, قالالىق جۇمىسپەن قامتۋ ءبولىمى الەۋمەتتىك كومەك كورسەتۋ ەرەجەسىنە سايكەس, ورتتەن زيان شەككەن ءار وتباسىنا
70 اەك كولەمىندە, ياعني 214 410 تەڭگەدەن اۋدارماق.
جەرگىلىكتى كاسىپكەرلەر باسپاناسىز قالعان تۇرعىندارعا قاراقۇمىق, ۇن, ماكارون, تاۋىق ەتى, سۇيىق ماي تۇرىندە تەگىن ازىق-ت ۇلىكپەن كومەك كورسەتە باستادى. بۇل ازىق-ت ۇلىكتەردى 10 مامىر كۇنى ساعات 15:00-دە ۆولونتەرلەر زارداپ شەككەندەرگە جەتكىزىپ بەردى.
– جەتى وقۋشىعا تەگىن ىستىق تاماق, كەڭسە تاۋارلارى, كيىم بەرىلدى. كامەلەتكە تولماعان ەكى ستۋدەنت قاجەتتى كيىممەن, اياقكيىممەن قامتاماسىز ەتىلەدى. سونداي-اق جەر قاتىناستارى جانە ساۋلەت ءبولىمىنىڭ زاڭ قىزمەتى ورتەنىپ كەتكەن م ۇلىك قۇجاتتارىن قايتا قالپىنا كەلتىرۋ جۇمىستارىن باستادى, – دەدى اكىمدىك وكىلدەرى.
توتەنشە جاعدايدى جويۋ جونىندەگى جەدەل شتاب جۇمىسىن وبلىس اكىمى ارحيمەد مۇحامبەتوۆ تىكەلەي باقىلاۋىنا الدى.
قوستاناي وبلىسى
