«بۇل – ءداستۇرلى شارا. بيىل ءتورتىنشى رەت وتكىزىلىپ جاتىر. بۇل يدەيا ارداگەرلەرگە قۇرمەت كورسەتۋ ماقساتىندا تۋىنداعان بولاتىن. ارداگەرلەرىمىزدىڭ اۋلاسىنا, ۇيىنە كىرىپ تە كونتسەرت قويۋ – ەرەكشە ءىس-شارالاردىڭ ءبىرى. سول سياقتى شاعىن اسكەري-پاتريوتتىق پاراد سول كىسىلەردىڭ اۋلاسىندا وتكىزىلەدى. بيىل بۇل ءىس-شارانى نۇر-سۇلتان قالاسى فيلارمونياسىنىڭ ۇرمەلى اسپاپتار وركەسترى, قالا اكىمدىگى, مادەنيەت باسقارماسى بىرلەسىپ وتكىزىپ جاتىر», - دەدى نۇر-سۇلتان قالاسى جاستار ساياساتى ماسەلەلەرى باسقارماسىنىڭ ءبولىم باسشىسى اقۇلان تاستەمىر.
ول ءسوزىن جالعاي وتىرىپ, ەلوردادا 18 ارداگەر بار ەكەنىن, ول كىسىلەرگە ارنايى قۇرمەت كورسەتىلەتىنىن ايرىقشا اتاپ ءوتتى.
«بۇگىنگى رەپەرتۋارىمىزدى ارداگەرلەرىمىزگە ارنايى تۇردە دايىندادىق. سول زامانداعى اندەر, ءاربىر اردەگەردىڭ جۇرەك تۇكپىرىنەن ورىن العان – جەڭىس كۇنىنە ارنالعان مۋزىكالار قويىلدى. ولار قارشا بوراپ تۇرعان وقتىڭ استىندا بۇگىنگى ءبىزدىڭ بەيبىت زاماندا ءومىر ءسۇرۋىمىز ءۇشىن قان كەشىپ ءجۇردى. ولارعا قۇرمەت رەتىندە شاعىن كونتسەرت قويدىق», - دەدى ە.راحماديەۆ اتىنداعى فيلارمونيانىڭ ۇرمەلى اسپاپتار وركەسترىنىڭ كوركەمدىك جەتەكشىسى نيكيتا پوچيتالين.
