«7 مامىرعا قاراعان ءتۇنى شۋ اۋداندىق پوليتسيا بولىمىنە بەلگىسىز ادامدار توبىنىڭ ءتارتىپ ساقشىلارىنا كۇش كورسەتىپ جاتقانى تۋرالى حابارلاما تۇسەدى. پوليتسيا قىزمەتكەرى ولاردى تىنىشتاندىرۋ ءۇشىن ەسكەرتۋ وعىن اتۋعا ءماجبۇر بولعان», دەپ مالىمدەدى وبلىستىق پوليتسيا دەپارتامەنتىنىڭ ءباسپاسوز قىزمەتىنەن.
شۋ قالاسىنداعى ۆوكزال الاڭىندا پاترۋلدىك پوليتسيا قىزمەتكەرلەرى الدىڭعى مەملەكەتتىك تىركەۋ ءنومىرى بەلگىسىنسىز جۇرگەن «ۆاز-21014» اۆتوكولىگىن توقتاتادى.
ء«مان-جايدى انىقتاۋ بارىسىندا كولىكتىڭ جۇرگىزۋشىسى مەن جولاۋشىلارى پوليتسيانىڭ زاڭدى تالاپتارىنا باعىنبايدى. مۇنان سوڭ وزگە دە تانىستارىمەن بىرگە بيلىك وكىلدەرىنە قارسىلىق كورسەتكەن», دەپ تۇسىندىرەدى ۆەدومستۆو.
اتالعان فاكتى بويىنشا شۋ اۋداندىق پوليتسيا ءبولىمى قر قك 380-بابى 1-تارماعى «بيلىك وكىلىنە قارسى كۇش قولدانۋ» بويىنشا سوتقا دەيىنگى تەرگەۋدى باستادى.
«زاڭبۇزۋشىلىق ارەكەت جاساعانداردىڭ بارلىعى انىقتالدى. ولارعا قاتىستى تەرگەۋ-وپەراتيۆتىك شارالارى جۇرگىزىلىپ جاتىر. بيلىك وكىلدەرىنە قارسى كۇش قولدانعان بەلسەندىلەر قر قپك 128-131 باپتارى بويىنشا ۇستالدى. قالعان مالىمەتتەر قر قپك 201-بابىنىڭ تالاپتارىنا سايكەس تەرگەۋ مۇددەسىندە جاريالاۋعا جاتپايدى», دەپ ناقتىلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
