قوس قاۋلى قابىلداندى

«قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 12, 45, 46 جانە 82-باپتارىنا سايكەس, الماتى وبلىسىنان قازاقستان رەسپۋبليكاسى پارلامەنتى سەناتىنىڭ شىعىپ قالعان دەپۋتاتىنىڭ ورنىنا سايلاۋ جونىندەگى داۋىستاردى ساناۋ ناتيجەلەرى تۋرالى الماتى وبلىستىق سايلاۋ كوميسسياسى حاتتاماسىنىڭ جانە «الماتى وبلىسىنان قازاقستان رەسپۋبليكاسى پارلامەنتى سەناتىنىڭ شىعىپ قالعان دەپۋتاتىنىڭ ورنىنا 2022 جىلعى 22 ساۋىردە بولعان سايلاۋدىڭ قورىتىندىلارىن انىقتاۋ جانە جاريالاۋ تۋرالى» قازاقستان رەسپۋبليكاسى ورتالىق سايلاۋ كوميسسياسىنىڭ 2022 جىلعى 26 ساۋىردەگى № 28/476 قاۋلىسىنىڭ نەگىزىندە قازاقستان رەسپۋبليكاسىنىڭ ورتالىق سايلاۋ كوميسسياسى جانبولات اكەباي ۇلى جورگەنباەۆتى پارلامەنت سەناتىنىڭ دەپۋتاتى رەتىندە تىركەۋگە قاۋلى ەتتى.

سونداي-اق «قازاقستان رەسپۋب­لي­كا­سىن­داعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبلي­كاسى كونستيتۋتسيالىق زاڭىنىڭ 12, 45, 46 جانە 98-باپتارىنا سايكەس, نۇر-سۇل­تان قالالىق سايلاۋ كوميسسياسىنىڭ قازاق­ستان حالقى اسسامبلەياسى سايلايتىن قا­زاق­ستان رەسپۋبليكاسى پارلامەنتى ءماجىلىسىنىڭ شىعىپ قالعان دەپۋتاتىنىڭ ورنىنا سايلاۋ جونىندەگى داۋىستاردى ساناۋ ناتيجەلەرى تۋرالى نۇر-سۇل­تان قالالىق سايلاۋ كوميسسياسى حاتتاما­سىنىڭ جانە «قازاقستان حالقى اسسام­بلەياسى سايلايتىن قازاقستان رەسپۋب­ليكاسى پارلامەنتى ءماجىلىسىنىڭ شىعىپ قال­عان دەپۋتاتىنىڭ ورنىنا 2022 جىل­عى 28 ساۋىردە بولعان سايلاۋدىڭ قورىتىن­دىلارىن انىقتاۋ جانە جاريالاۋ تۋرالى» قازاقستان رەسپۋبليكاسى ورتالىق سايلاۋ كوميسسياسىنىڭ 2022 جىلعى 28 ساۋىردەگى № 29/477 قاۋلىسىنىڭ نەگىزىندە قازاقستان رەسپۋبليكاسىنىڭ ورتالىق سايلاۋ كوميسسياسى قازاقستان حالقى اسسامبلەياسىنان سايلانعان زاكيرجان پيرمۋحامەدوۆيچ كۋزيەۆتى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى رەتىندە تىركەۋگە قاۋلى ەتتى.

وتىرىستا كوميسسيا توراعاسى نۇر­لان ءابدىروۆ پارلامەنت دەپۋتاتتارى جانبولات جورگەنباەۆ پەن زاكىر­جان كۇ­زيەۆكە كۋالىكتەر مەن ومىراۋعا تاعاتىن بەلگى­لەردى تاپسىردى. ج.جورگەنباەۆ پەن ز.كۋ­زيەۆتىڭ الماتى وبلىستىق ماسليحا­تىن­­داعى بەلسەندى دەپۋتاتتىق قىزمەت­تەرىن اتاپ وتكەن كوميسسيا توراعاسى سايلانعان دەپۋتاتتارعا رەسپۋبليكانىڭ زاڭ شىعارۋ بيلىگىن جۇزەگە اسىراتىن جو­عارى وكىلدى ورگانىندا تابىس پەن جەمىستى جۇمىس تىلەدى.