بۇل تاريحي قۇجات مەملەكەتىمىزدىڭ ساياسي جۇيەسىنىڭ تۇبەگەيلى جاڭارىپ, جاڭعىرىپ, ونىڭ قاراپايىم حالىق ءۇشىن اشىقتىلىعىن, سونىمەن قاتار بۇقارا الدىنداعى ەسەپتىلىگىن ارتتىرۋعا داڭعىل جول اشادى. جولداۋ ەلىمىزدىڭ بۇدان بىلايعى دامۋ ستراتەگياسى مەن بولاشاقتاعى باعدارىن انىقتاپ, «جاڭا قازاقستاننىڭ» قازىرگى سيپاتىن, سونداي-اق كەلەشەكتەگى كەمەل باعىتىن ايقىنداپ بەردى.
جولداۋدى تالقىلاۋعا ارنالعان جيىندا اۋدان اكىمى م.ساعىمبەك اۋدان اقساقالدارى, ايەلدەر كەڭەسى, جاستار قاۋىمى, ەتنومادەني بىرلەستىكتەر, ۇكىمەتتىك ەمەس ۇيىمدار, تاعى باسقا دا قوعامدىق مەكەمەلەر وكىلدەرىنىڭ, سونىمەن بىرگە جەرگىلىكتى اتقارۋشى ورگان قىزمەتكەرلەرىنىڭ الدىندا تۇرعان ماقسات-مىندەتتەرگە توقتالدى. سوتسياليستىك ەڭبەك ەرى ك.ايتجانوۆا, اۋداندىق ءماسليحات حاتشىسى ە.شوقپاروۆ, Amanat پارتياسى اۋداندىق فيليالىنىڭ اتقارۋشى حاتشىسى ق.دوسمايلوۆ, اۋداندىق قوعامدىق كەلىسىم كەڭەسى توراعاسىنىڭ ورىنباسارى س.سولتانقۇلوۆ, اۋداندىق انالار كەڭەسىنىڭ ءتورايىمى ك.بەردىعۇلوۆا, اۋداندىق ۇيعىر ەتنومادەني بىرلەستىگىنىڭ مۇشەسى ق.اشيموۆا جانە وسى ءتارىزدى ەل-جۇرتتىڭ اراسىندا بەدەلى بيىك تۇلعالار دا تۇرعىندارمەن تىكەلەي بەتپە-بەت كەزدەسۋلەر مەن الەۋمەتتىك جەلىلەردە جولداۋ جايلى لەبىزدەرىن ورتاعا سالدى. قاراپايىم كوپشىلىك تە ولاردىڭ وڭ وي-پىكىرلەرىن قولدايتىندىقتارىن ءبىلدىردى.
جالپى, اۋداندا مەملەكەت باسشىسىنىڭ حالىققا ارناعان جولداۋىن تۇرعىندار اراسىندا ءتۇسىندىرۋ بويىنشا 14 اقپاراتتىق-ناسيحاتتىق توپ قۇرىلىپ, ولارعا اۋدان اكىمىنىڭ ورىنباسارلارىنان باستاپ, ءبولىم باسشىلارىنا دەيىنگى لاۋازىمدى تۇلعالار جەتەكشىلىك ەتەدى. بۇل توپتاردىڭ اۋدان ورتالىعى – جاركەنت قالاسىندا, سونىمەن قاتار اۋىلدىق وكرۋگتەردەگى بارلىق ەلدى مەكەندەردى ارالاپ جۇرگىزەتىن جۇمىس كەستەسى بەكىتىلگەن. توپ مۇشەلەرى قازىرگى كۇندەرى جۇرتشىلىق اراسىندا ءوز جۇمىستارىن بارىنشا جانداندىرىپ ءجۇر.
مارات يليپوۆ,
پانفيلوۆ اۋداندىق ىشكى ساياسات, مادەنيەت, تىلدەردى دامىتۋ جانە سپورت ءبولىمىنىڭ باسشىسى
