ءدال وسىنداي قوعامدى قۇرۋ ءۇشىن ونىڭ بارلىق رەفورماسى, ەڭ الدىمەن, بيلىكتىڭ اۆتوكراتياسىنا, قوعامنىڭ بولىنۋىنە الىپ كەلگەن, الەۋمەتتىك ادىلەتسىزدىك پەن تەڭسىزدىكتى تۋدىرعان جانە ەكونوميكانىڭ تۇراقتى دامۋىنا كەدەرگى بولعان بۇرىنعى ساياسي جۇيەنى وزگەرتۋگە باعىتتالعان.
الايدا مۇنداي تۇبەگەيلى رەفورمالاردى ىسكە اسىرۋ ءۇشىن تەك جوعارىدان ەنگىزىلەتىن وزگەرىستەر – سۋپەرپرەزيدەنتتىكتەن ارىلۋ, پارلامەنتتى كۇشەيتۋ, اتقارۋشى بيلىكتى دەموكراتيالاندىرۋ عانا ەمەس, ەڭ باستىسى, پرەزيدەنت اتاپ وتكەن, ازاماتتىق قوعامدى دامىتۋ, ازاماتتار اراسىندا مەملەكەتتى باسقارۋعا قاتىسۋ بەلسەندىلىگىن ارتتىرۋ ماڭىزدى. ويتكەنى حالىقتىڭ سانالى قولداۋىنسىز قوعامدا دەموكراتيالىق وزگەرىستەردىڭ بولۋى مۇمكىن ەمەس!
بىراق ماسەلە كوپ جىل بويى اۆتوكراتيالىق جۇيەنىڭ كارتەلدىك پارتيالاردى مەملەكەتتىك رەسۋرستار ەسەبىنەن جۇزەگە اسىرىلىپ كەلگەندىكتەن, حالىقتىڭ بيلىككە, ءادىل سايلاۋعا جانە قاراپايىم ادامداردىڭ قانداي دا ءبىر نارسەگە اسەر ەتە الۋ مۇمكىندىگىنە دەگەن سەنىمىنىڭ ازدىعىندا بولىپ وتىر. ءتىپتى ەلدىڭ باستى زاڭى – كونستيتۋتسياعا ەنگىزىلگەن وزگەرىستەر كوپ جىل بويى قوعامدا كەڭ تالقىلاۋسىز قابىلداندى.
پرەزيدەنتتىڭ ەل كونستيتۋتسياسىنا تۇزەتۋلەر قابىلداۋ بويىنشا بۇكىلحالىقتىق رەفەرەندۋم وتكىزۋ جونىندەگى ۇسىنىسى ەلدەگى ساياسي وزگەرىستەردى حالىقتىڭ وزىمەن شەشۋ قاجەتتىلىگىمەن عانا بايلانىستى ەمەس. بۇل ۇسىنىس جاڭا قازاقستاندا بۇدان بىلاي ونىڭ بولاشاعىن بيلىك ەمەس, ازاماتتاردىڭ وزدەرى انىقتايتىنىن كورسەتەدى.
مەملەكەت باسشىسى ۋاقىتتىڭ وزگەرگەنىن, ادال سايلاۋ مەن ساياسي باسەكەلەستىك كەزەڭى باستالعانىن ايقىن كورسەتىپ وتىر. سوندىقتان ءبىز ءوزىمىز وزگەرۋگە, بيلىككە دەگەن بۇرىنعى سەنىمسىزدىكتەردەن, بارلىعىن بوس سىناۋدان الىستاۋعا ءتيىسپىز. سايلاۋ جانە قوعامدىق دامۋ ينستيتۋتتارىنا قاتىسۋ ارقىلى مەملەكەتتى باسقارۋعا قاتىسۋىمىز كەرەك, ياعني ءوز ەلىنىڭ ناعىز ازاماتى بولۋىمىز شارت.
اقىلبەك كۇرىشباەۆ,
سەنات دەپۋتاتى
