قازىرگى كونستيتۋتسيامىزدا «مەملەكەتتىك بيلىكتىڭ بىردەن-ءبىر باستاۋى – حالىق» دەپ, ناقتى ءارى تۇسىنىكتى جازىلعان. وسى قاعيداعا سۇيەنەتىن بولساق, اتا زاڭىمىزعا ەنگىزىلەتىن كەز كەلگەن وزگەرىستى جالپىحالىقتىق رەفەرەندۋم ارقىلى حالىقپەن كەڭەسە وتىرىپ قابىلداۋ كەرەك. سوندىقتان مەن پرەزيدەنتىمىزدىڭ بۇل باستاماسىن تولىق قولدايمىن.
بۇل ۇسىنىس ەل پرەزيدەنتى جاريالاعان «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋدىڭ لايىقتى جالعاسى. وسىلايشا, قاسىم-جومارت توقاەۆ ەلىمىزدى جاڭارتۋ جانە جاڭا قازاقستان قۇرۋ باعىتىنداعى ءوزى بەلگىلەگەن باستامالاردى جۇيەلى تۇردە جالعاستىرىپ وتىر.
اشىعىن ايتقاندا, ءبىز حالىقپەن كەڭەسىپ, پىكىرلەسۋ جاعىن ءسال ەستەن شىعارىپ الدىق. ەلىمىزدە شيرەك عاسىردان استام ۋاقىت بويى بىردە-ءبىر رەفەرەندۋم بولعان جوق. ءدال قازىر حالىقتىڭ قولداۋى قاسىم-جومارت كەمەل ۇلىنا ءوزى باستاعان ساياسي, ەكونوميكالىق جانە الەۋمەتتىك رەفورمالاردى ىسكە اسىرۋ جولىندا باتىل قادامدار جاساۋعا جول اشادى. كونستيتۋتسيانى جاڭارتپاي ادىلەتتى, جاڭا قازاقستان قۇرۋ مۇمكىن ەمەس. الداعى رەفەرەندۋمدا حالىق ءوزىنىڭ سالماقتى ءسوزىن, ساليقالى پىكىرىن بىلدىرەدى دەپ سەنەمىن. ول ءۇشىن تەك حالىقتىڭ ۇنىنە قۇلاق ءتۇرۋ قاجەت.
مۇحتار قۇل-مۇحاممەد,
سەنات دەپۋتاتى
