باس پروكۋراتۋرانىڭ ءباسپاسوز قىزمەتىنىڭ مالىمەتىنشە, شاعىمداردىڭ اراسىندا قۇقىقتىق اكتىلەرگە وزگەرىستەر ەنگىزۋدى تالاپ ەتەتىن جۇيەلى پروبلەمالار دا بار.
«پروكۋرورلار بيزنەستىڭ دامۋىنا كەدەرگى كەلتىرەتىن اكىمشىلىك كەدەرگىلەردى تۇپكىلىكتى جويۋعا دەيىن جان-جاقتى شارالار قابىلدادى. مىسالى, بيىلعى 25 ناۋرىزدا پاۆلودار قالاسى پروكۋراتۋراسىنىڭ قاداعالاۋ اكتىسى بويىنشا وڭىردەگى بارلىق كاسىپكەرلەر ءۇشىن الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋعا قارىز بەرۋ ولشەمدەرى وزگەرتىلگەن بولاتىن.
بۇعان دەيىن قارىز الۋ كونكۋرسىنا تالاپتارعا سايكەس كەلەتىن كاسىپكەرلەر عانا قاتىسا الاتىن. الايدا ولار شاعىن بيزنەس سۋبەكتىلەرىن ءىرى كاسىپكەرلەرگە قاتىستى تەڭ ەمەس جاعدايعا قويىپ, مەملەكەتتەن قارىز الۋ مۇمكىندىگىن جوققا شىعارعان. بۇل ازىق-ت ۇلىك باعاسىنىڭ وسۋىنە جانە پروكۋراتۋرا ورگاندارىنا شاعىم جاساۋعا الىپ كەلدى», دەپ ءتۇسىندىردى ۆەدومستۆودان.
پاۆلودار قالاسى پروكۋرورىنىڭ ۇسىنىسىمەن اكىمدىك قاۋلىسىنا وزگەرىستەر ەنگىزىلدى. ناتيجەسىندە كاسىپكەرلەردىڭ شەكتەلمەگەن توبىنىڭ عانا ەمەس, ءوڭىر تۇرعىندارىنىڭ دا قۇقىقتارى قورعالدى.
جالپى, كاسىپكەرلىك سالاسىندا, ونىڭ ىشىندە موبيلدىك توپتاردىڭ جۇمىسى اياسىندا انىقتالعان بۇزۋشىلىقتار بويىنشا پروكۋرورلار 2022 جىلعى 1 توقساندا 64 مىڭنان استام بيزنەس سۋبەكتىسىنىڭ قۇقىقتارىن قورعادى.
