ابزال اقىندى ارداقتادى

ءسارۋار ساۋىردە جىر مارجانى توگىلدى. وبلىستىق س.سەيفۋللين اتىنداعى قازاق دراما تەاترىندا ۇلت رۋحانياتىنا قاتىستى تالاي يگى باستامالارعا مۇرىندىق بولىپ جۇرگەن قاراعاندى «بولاشاق» ماڭىزدى ءبىلىم بەرۋ كوللەدجىنىڭ ۇيىمداستىرۋىمەن قازاقستان جازۋشىلار وداعىنىڭ مۇشەسى, حالىقارالىق «الاش» ادەبي سىيلىعىنىڭ يەگەرى, «اقتوعاي اۋدانىنىڭ قۇرمەتتى ازاماتى», بەلگىلى اقىن ابزال بوكەننىڭ «تۇلا بويىم كونە ءسوز, كونە ءمۇسىن» اتتى شىعارماشىلىق كەشى ءوتتى. وتىز جىلعا جۋىق رۋحاني استانامىز – الماتىدا تۇرىپ, ال اسقارالى الپىسىندا ارقاعا قونىستانعان ابزال اقىندى وقىر­ماندارى زور قۇرمەتپەن قارسى الدى. پوەزيا كەشىندە اقىن ا.بوكەنگە جان-جاقتان قۇتتىقتاۋلار قۇ­ي­­­ىلدى. قازاقستان جازۋشىلار وداعى توراعاسىنىڭ ءبىرىنشى ورىنباسارى ع.جايلىباي باستاپ ءبىر توپ قالامگەرلەر كەلدى جىر كەشىنە. وبلىس اكىمى باۋىرجان ابدىشەۆتىڭ قۇتتىقتاۋ حاتى وقىلدى. وبلىستىق ءماسليحات حاتشىسى, ونەردىڭ ۇلكەن جاناشىرى نۇرلان دۋلاتبەكوۆ پەن قازاقستان جازۋشىلار وداعى قاراعاندى وبلىستىق فيليالىنىڭ ديرەكتورى, حالىقارالىق «الاش» ادەبي سىيلىعىنىڭ يەگەرى, اقىن سەرىك اقسۇڭقار ۇلى ابزال اقىنعا اقجارما تىلەگىن ارناپ, شىعارماشىلىق تابىس تىلەدى. «بولاشاق» كوللەدجىنىڭ ديرەكتورى, ەكونوميكا عىلىمدارىنىڭ كانديداتى عايني مامراەۆا شىعار­ماشىلىق يەسىنىڭ يىعىنا اتا-بابا جولىمەن وقالى شاپان جاپتى. اقىننىڭ تۋىپ-وسكەن شالقار بەسىگى – اقتوعاي اۋدانىنان ق.نوكەش, م.وڭعارقۇلوۆ باستاعان ەل اعالارى كەلىپ, شايىر شىعارماشىلىعى حاقىندا وردالى وي قوزعادى, قازاقستاننىڭ ەڭبەك سىڭىرگەن قايراتكەرى, اقىننىڭ جەرلەس ءىنىسى امانتاي جۇماشەۆ اننەن شاشۋ شاشتى. جاس ۇرپاقتىڭ ساناسىنا نۇر­لى شۋاق سىيلاعان جىر كە­شى سارىارقانى اسەم سازعا ءبو­لەدى. جالىندى جىرلارىمەن وقىر­ماندارىنىڭ جۇرەگىنە ەلدىك پەن ەرلىكتىڭ ءدانىن ەككەن, قازاق پوە­زياسىندا ايشىقتى قولتاڭباسى بار اقىن كەشى «توقىراۋىن تول­قىندارى» ءانسامبلىنىڭ ورىنداۋىندا كەش يەسىنىڭ سوزىنە جازىلعان مارقۇم د.سادۋاقاسوۆتىڭ «اقتو­عاي – التىن بەسىگىم» انىمەن تۇيىندەلدى. ءىلياس دۇنگەنباي ۇلى. قاراعاندى.